Beed Crime : बीडमध्ये अल्पवयीन तरुणाला घेरून मारलं, तीच पद्धत आणि तसाच व्हिडीओ व्हायरल, प्रकरण काय?

हे ही वाचा >> Aurangzeb Tomb : औरंगजेबाच्या कबरीच्या वादामुळे मंदिरांमध्ये भाविकांची संख्या घटली, पर्यटकांची संख्याही घटली?

अंबाजोगाई तालुक्यातील दस्तगीरवाडीमध्ये घडलेल्या या घटनेमुळे पुन्हा एकदा कायदा व सुव्यवस्थेबद्दल प्रश्न उपस्थित होत आहेत. कृष्णा साळे नावाच्याअल्पवयीन मुलाला रिंगण करून मारतानाचा हा व्हिडीओ संतापजनक आहे. यावेळी मारणाऱ्या मुलांनी त्याचे पैसे, मोबाइलही हिसकावून घेतल्याचं कळतंय.

घटना नेमकी काय? 

व्हिडीओमध्ये अल्पवयीन तरूणांचं एक टोळकं आणि त्यांच्या गाड्या दिसताय. यामध्ये टोळक्यातले मुलं एका मुलाला खाली पाडून लाथा, बुक्क्यांनी मारतायत. शिव्या देतायत. "बाळ्याला कुणी सांगितलं? लाव त्याला फोन आता, सांगतोस का बाळ्याला, बघायची का माझी पावर तुला? नरड्यावर पाय देईल तुझ्या.खल्लास करतो तुला दगड टाकून..." अशा धमक्या देत आहेत. यावेळी खाली पडलेला तरूण वेदनांनी विव्हळत राहिला. ज्या तरूणाला मारहाण होतेय, त्याचं नावही समोर आलंय.

 

मुलाचे वडील आणि काका काय म्हणाले? 

दलित समाजाच्या मुलावर एवढा अत्याचार झाला.  आरोपींचा जीवे मारण्याचा प्रयत्न होता. मात्र, त्या घटनेतून हा युवक वाचला. गृहमंत्री फडणवीस, अंजली दमानिया,  दीपक केदार यांना विनंती आहे, आम्हाला  न्याया मिळवून द्यावा. आरोपी अल्पवयीन असो किंवा 18 वर्ष पूर्ण झालेले असो. पण आम्हाला न्याय मिळण्यासाठी पाठपुरावा व्हावा. आम्हालाही मारहाणीचा प्रयत्न झाला आहे, आमचं एकच घर आहे असं मुलाचे वडील आणि काका म्हणाले आहेत.

हे ही वाचा >> Devendra Fadnavis : "आपल्या बोलण्यातून तेढ...", देवेंद्र फडणवीस यांनी मंत्र्यांना राजधर्माची आठवण करुन दिली

अंजली दमानिया यांनी हा व्हिडीओ ट्वीट करत याप्रकरणी आपली भूमिका मांडली आहे. तर पँथर सेनेची दीपक केदार यांनीही काही प्रश्न उपस्थित केले आहेत.  "होलार समाजाचा अनुसूचित जातीच्या अल्पवयीन मुलास रिंगण करून मारलं आहे. त्याचे पैसे घेतले, मोबाईल हिसकावला गेला. गुन्हा घेण्यास पोलीसांनी विलंब केला हे दुर्दैव आहे. ऍट्रॉसिटी ऍक्टचा गुन्हा का नोंद केला नाही...?" अशी भूमिका दीपक केदार यांनी मांडली आहे.

दीपक केदार काय म्हणाले? 

बीड पोलिसांनी अधीक्षकांनी तात्काळ दखल घ्यावी. सर्व आरोपीला अटक करण्याचे आदेश द्यावेत. आरोपीला पाठीशी घालणाऱ्या पोलीस अधिकाऱ्यांचे निलंबन करावे. अशीही मागणी दीपक केदार यांनी केली आहे. "व्हिडीओ काढून बीड जिल्ह्यात मारण्याचे प्रकार वाढले आहेत. त्या अनुषंगाने कुणी जाणीवपूर्वक हे करतंय का? यामागे पोलीसांना, पोलीस अधीक्षकांना बदनाम करण्यासाठी, कायदा व सुव्यवस्थेचा मुद्धा निर्माण करण्यासाठी हे कृत्य करतंय का याची सखोल चौकशी करावी. राज्य सरकारने गंभीर्याने दखल घ्यावी. मुख्यमंत्री गृहमंत्री सपशेल फेल झालेले आहेत. त्यांच्या कारकीर्तीला चॅलेंज देणाऱ्यांना ते रोखू शकलेले नाहीत. त्यामुळे दलितांचे अस्तित्व धोक्यात आले आहे. तात्काळ आरोपीला अटक करण्याची मागणी" दीपक केदार यांनी केली आहे.

दरम्यान, या प्रकरणामुळे बीडमधील तरूणांच्या भवितव्याबद्दलही चिंता व्यक्त केली जातेय. विशेष म्हणजे संतोष देशमुख यांना ज्या पद्धतीनं घेरून मारहार करण्यात आली होती, अगदी त्याच पद्धतीनं रिंगण करुन या मुलाला मारहाण करण्यात आली आहेत. त्यामुळे आता संतोष देशमुखांच्या मारेकऱ्यांसारखेच मारेकरी या लहान मुलांमध्ये तयार होऊ नये यासाठी पोलीस कायद्याचा बडगा उगारणार का हे पाहणं महत्वाचं असेल.