Satish Bhosle: वृद्धाला अर्धनग्न करुन बॅटने मारलं, दात पाडले... आमदार सुरेश धसांचा तो 'शागीर्द' कोण?
सतीश भोसले हा आमचा कार्यकर्ता आहे. सोशल मीडियावर आलेले व्हिडिओ मी पाहिले. आता संबंधित पोलीस स्टेशनला मी फोन केलाय. ही घटना दीड ते दोन वर्ष जुनी असून कोणत्यातरी कारखान्यावरती ही घटना घडली आहे." असं सुरेश धस यांनी म्हटलं आहे.
ADVERTISEMENT
बातम्या हायलाइट
सुरेश धस यांच्या शागीर्दचा प्रताप
वृद्धाला अर्धनग्न करुन बॅटने मारहाण
वृद्धाला मारहाणीचा आणि दात पाडल्याचा व्हिडीओ व्हायरल
एकीकडे बीडच्याच मस्साजोग गावचे सरपंच संतोष देशमुख यांची अत्यंत क्रूर पद्धतीने हत्या करण्यात आली त्याचे फोटो समोर आल्यानंतर राज्यभरात खळबळ उडालीये. विशेष म्हणजे या घटनेमुळे संबंध महाराष्ट्र सुन्न पडलेला असताना जालना जिल्ह्यातील भोकरदन येथे एका व्यक्तीला गरम लोखंडी रॉडचे अमानुषपणे चटके देण्यात आल्याची घटना समोर आली. या घटनेचा व्हिडीओही सोशल मीडियावर व्हायरल होत आहे. या घटनेवरही संताप व्यक्त केला जात आहे. या दोन घटनांवरुन संताप व्यक्त केला जात असताना आता बीडच्या शिरुर तालुक्यातील आणखी एक संतापजनक घटना समोर येत आहे. एका व्यक्तीला दोन ते तीन जण पकडतात आणि एक व्यक्ती बॅटने अतिशय अमानुषपणे मारहाण करतोय असा एक व्हिडीओ समोर आला असून, त्यामुळे चांगलीच खळबळ माजली आहे.
हे ही वाचा >> Abu Azmi निलंबित, पण राहुल सोलापूरकर, प्रशांत कोरटकर यांचं काय? राजकीय घडामोडींचा अर्थ काय?
बीडच्या शिरूर तालुक्यातील बावी गावात एका व्यक्तीला निर्घृणपणे मारहाण करतानाचा व्हिडीओ व्हायरल होतोय. या प्रकरणात अद्याप शिरूर पोलीस ठाण्यात गुन्हा दाखल करण्यात आलेला नाही. तसेच मारहाण करणाऱ्या व्यक्तीचं नाव आहे सतीश भोसले. सतीश भोसले हा भाजपच्या भटक्या विमुक्त आघाडीचा प्रदेश सरचीटनीस आहे. तर मारहाण झालेल्या व्यक्तीचं नावही समोर आलेलं नाही.
मारहाण करत असलेला व्यक्ती सतीश भोसले असून, तो भाजपचा पदाधिकारी आहे. त्याचबरोबर भाजप आमदार सुरेश धस यांचा तो जवळचा समर्थक म्हणून याची तिकडे ओळख आहे. या प्रकरणामध्ये स्वतः पोलीस फिर्यादी होऊन सुमोटो नुसार गुन्हा दाखल करण्यात येणार असल्याची माहिती पोलीस अधीक्षक नवनीत कामत यांनी दिली आहे.
सुरेश धस काय म्हणाले?
"सतीश भोसले हा आमचा कार्यकर्ता आहे. सोशल मीडियावर आलेले व्हिडिओ मी पाहिले. आता संबंधित पोलीस स्टेशनला मी फोन केलाय. ही घटना दीड ते दोन वर्ष जुनी असून कोणत्यातरी कारखान्यावरती ही घटना घडली आहे. मुलीच्या छेडछाडी मधून ही घटना घडली असून यामध्ये केस झालेली नाही. कायदेशीर कारवाई करावी याबाबत मी पोलिसांसोबत बातचीत केलीये." असं सुरेश धस यांनी म्हटलंय.
हे ही वाचा >> Dharashiv Crime : चॉकलेटचं आमिष दाखवून चिमुकलीवर 42 वर्षाच्या व्यक्तीने.... राज्यात चाललंय तरी काय?
तसंच आणखी एका व्यक्तीचा व्हिडीओ सोशल मीडियावर व्हायरल होत आहे. हा व्हिडीओ बीडच्या पोलीस अक्षीक्षक कार्यालयाच्या आवारातील आहे. एक व्यक्ती त्याच्या हातात सलाईन असल्याचं दिसून येतंय. तसंच त्याच्या तोंडाला जबर जखम झाली, रक्तबंबाळ अवस्थेत तो तिथे असलेल्या पोलिसांना मदत मागतोय. गुन्हा दाखल करण्यासाठी आलेल्या व्यक्तिला "पोलीस म्हणतायत गुन्हा दाखल होईल, पण तुम्ही आधी उपचार घ्या..." आता या सर्व प्रकरणाचा ठपका पण सुरेश धसांचा कार्यकर्ता असलेल्या सतीश भोसलेवर ठेवण्यात आलाय. ज्यांना मारहाण झाली आहे, त्यांचं नाव दिलीप ढाकणे असून ते शिरुर कासार तालुक्यातील बावी गावचे आहेत. सतीश भोसलेनं हरीण मारण्यासाठी सापळा रचला लावली होता. दिलीप ढाकणेंचा तिथे अडथळा झाला म्हणून त्यांना अमानुष पद्धतीने मारलंय, तसंच पोलीस तक्रार होऊ नये म्हणून स्थानिकच्या बड्या नेत्याने पोलिसांवर दबाव आणला, अशी माहिती आता स्थानिक पत्रकार देत आहेत. आता या दोन्ही प्रकरणात काय कारवाई होते, पोलिस सतीश भोसलेला अटक करतात का? हे पाहणं महत्त्वाचं ठरणार आहे.
हे वाचलं का?
