‘बॉलिवूड’मध्ये अंडरवर्ल्डचा पैसा, महादेव बेटिंग प्रकरणात ईडीची मोठी कारवाई

चंद्राकर-उप्पल यांचा पैसा

ईडीने कारवाई केल्यानंतर कुरेशी प्रॉडक्शन हाऊसचे चित्रपट निर्मितीसाठी महादेव ॲप चालवणारे सौरभ चंद्राकर आणि रवी उप्पल यांच्याकडून पैसा पुरवला गेल्याचे सांगण्यात आले आहे. ही कारवाई करण्यात आल्यानंतर कुरेशी प्रॉडक्शन हाऊसकडून एका टॉप बॉलीवूड स्टारला घेऊन बिग बजेट ऐतिहासिक चित्रपटाची निर्मिती करत आहे. हा चित्रपट प्रादेशिक भाषेत बनवला जात असून तो इतर अनेक भाषांमध्ये डब करण्यात येणार असल्याचे सांगण्यात आले आहे.

हे ही वाचा >> खुर्चीला हात-पाय बांधून गळा आवळला, संभाजीनगरात 70 वर्षीय महिलेची निर्घृण हत्या

आर्थिक व्यवहारांची चौकशी

अंधेरी आणि इतर काही ठिकाणी छापेमारी केल्यानंतर वसीम कुरेशी आणि तबस्सुम कुरेशी या दोघांकडून हे प्रॉडक्शन हाऊस चालवले जात असल्याचे सांगण्यात आले. वसीम कुरेशीची सध्या चौकशी सुरु असून त्याच्या संदर्भातील सर्व कागदपत्रं ताब्यात घेऊन आर्थिक व्यवहार तपासले जात आहेत.

रणबीरसह अनेकांवर कारवाई

महादेव बेटिंग ॲप प्रकरणी ईडीकडून आता सातत्याने छापे टाकले जात आहेत. रणबीर कपूरसह अनेक मोठ्या बॉलीवूडमधील कलाकारांचीही चौकशी केली जाण्याची शक्यता असल्याने यामुळे बॉलीवूड हादरले आहे. सौरभ चंद्राकरने फेब्रुवारी 2023 मध्ये दुबईमध्ये लग्न केले होते. यावेळी त्याने लग्नात 200 कोटी रुपये उधळले होते. सौरभ हा छत्तीसगडमधील भिलाई येथील असून त्याने आणि त्याचा मित्र रवी उप्पल या दोघांनी ‘महादेव ऑनलाइन ॲप’ सुरू केले. या ॲपवर ऑनलाइन बेटिंग केली जाते. त्याच्या लग्नात परफॉर्म करण्यासाठी बॉलीवूडमधील अनेक बडे कलाकारांनी हजेरी लावली होती. लग्नाच्या भव्यदिव्य आणि प्रचंड खर्चामुळे हे लग्न ईडीच्या निशाण्यावर होते. तर त्यानंतर मनी लॉन्ड्रिंगचेही मोठे नेटवर्क उघड झाले आहे.

महादेव गेमिंग-बेटिंग ॲप

‘महादेव गेमिंग-बेटिंग ॲप’ प्रकरणी आता अनेक गायक आणि चित्रपटातील मोठे कलाकार ईडी रडारवर आहेत. गुरुवारी या प्रकरणात रणबीर कपूरबरोबरच हुमा कुरेशी, कपिल शर्मा आणि हिना खान यांचीही नावं समोर आली होती. या कलाकाराबरोबरच अनेक कलाकारांची नाव ईडीच्या रडारवर आल्याने अनेकांना धक्का बसला आहे.

हे ही वाचा >> NCP: निवडणूक आयोगात असं काय घडलं की जितेंद्र आव्हाड रडले?, रोहित पवारही आक्रमक

हे कलाकारही रडारवर

सौरभ चंद्राकरने दुबईमध्ये आपल्या लग्नामध्ये अनेक कलाकारांना बोलवले होते. त्या सर्व कलाकारांवर आता ईडीची नजर आहे. लग्नात सहभागी झालेले अनेक कलाकार आता ईडीच्या रडारवर आल्याने मोठी खळबळ उडाली आहे. सौरभ चंद्राकरच्या लग्नात सहभागी झालेल्या कलाकारामध्ये एमसी दीप्ती साधवानी, सुनील शेट्टी, सोनू सूद, संजय दत्त, हार्डी संधू, सुनील ग्रोवर, सोनाक्षी सिन्हा, रश्मिका मानधना, सारा अली खान. गुरू. रंधावा, सुखविंदर सिंग, टायगर श्रॉफ, कपिल शर्मा, नुसरत बरुचा, डीजे चेतस, मलायका अरोरा, नोरा फतेही, अमित त्रिवेदी, मौनी रॉय यांचा समावेश असल्याचे सांगण्यात आले आहे.