मोमोज खाणाऱ्या पोलिसालाच उचललं, घडली भयंकर घटना..

प्रत्यक्षात बुधवारी संध्याकाळी सिव्हिल लाइन पोलिस ठाण्यात तैनात कॉन्स्टेबल रामकुमार सिंह न्यू हाउसिंग बोर्ड कॉलनीतील एका दुकानात मोमोज खात होता. तेव्हाच स्कॉर्पिओ कारमधून काही तरुण तेथे पोहोचले. त्यांनी दुकानदाराला बोलावले. दुकानदार त्यांच्याकडे उशिरा पोहोचल्याने गाडीतील तरुणांनी खाली उतरून दुकानदाराला मारहाण करण्यास सुरुवात केली.

हे ही वाचा- लग्नासाठी मुलगी बघायला आलेला तरूण, होणाऱ्या सासूलाच नेलं पळवून!

मध्यस्थी केल्याने हवालदाराला मारहाण, अपहरण

दुकानदाराला मारहाण होत असल्याचे पाहून हवालदार रामकुमार यांनी मध्यस्थी करत भांडण करणाऱ्या तरुणांना समजविण्याचा प्रयत्न केला. या प्रकारामुळे तरुणांना राग आला आणि त्यांनी थेट रामकुमारलाच हाणामारी सुरू केली. त्यानंतर तरुणांनी रामकुमारला जबरदस्तीने आपल्या गाडीत बसवलं. कारमध्ये हवालदाराशी युवकांची जोरदार बाचाबाची झाली. गाडी खनेटा गावाजवळ आली असता रामकुमारने तरुणांच्या तावडीतून सुटका करून तिथून पळ काढला.

हे ही वाचा- पुण्यात क्रूर कांड, अनेक पुरुषांशी अनैतिक संबंध? दिराने पळवून आणलं अन् नंतर वहिनीलाच…

हवालदाराचा मोबाइलाही हिसकावून घेतला

हल्लेखोरांनी रामकुमार याचा मोबाइलही हिसकावून घेतला होता, त्यामुळे त्याला या घटनेची माहिती पोलीस विभागाला त्वरित देता आली नाही. पण हल्लेखोरांच्या तावडीतून पळाल्यानंतर कॉन्स्टेबलने आपल्या वरिष्ठ अधिकाऱ्यांना दुसऱ्या व्यक्तीच्या मोबाइलवरून घटनेची माहिती दिली. ज्यानंतर तात्काळ पोलिसांचे पथक घटनास्थळी पोहोचले आणि हवालदाराला सिव्हिल लाइन पोलीस ठाण्यात आणण्यात आले. कॉन्स्टेबलच्या तक्रारीवरून 6 हल्लेखोरांविरोधात एफआयआर दाखल करण्यात आला.

हे ही वाचा- अकोला हादरला! चौथीतील 4 विद्यार्थिनींवर शिक्षकच दररोज करायचे लैंगिक अत्याचार

सर्व हल्लेखोर पोलिसांच्या ताब्यात

या प्रकरणावर सीएसपी अतुल सिंह यांनी असं म्हटलं की, माहिती मिळाल्यानंतरच पोलिसांचे पथक तरुणांना पकडण्यासाठी पाठवण्यात आले आणि बुधवारी रात्रीच बदमाशांना पकडण्यात आले. या मारामारीत हवालदाराच्या अंगावर जखमा झाल्याचंही त्यांनी सांगितलं. त्याची वैद्यकीय चाचणी देखील करण्यात आली आहे.