ladki Bahin Yojana: सरकारच्या घोषणेनंतरही खरंच मिळणार नाहीत 3000? महिलांनो दिवाळी बोनसचं सत्य एकदा जाणून घ्या

निवडणूक आयोगाने दिली महत्त्वाची माहिती

निवडणूक आयोगाने आचारसंहिता लागू केल्यानंतर राज्यात कोणत्याही आर्थिक योजनेच्या माध्यमातून पैसै न देण्याचे निर्देश दिले आहेत. त्यानंतर राज्यातील महिला व बालविकास मंत्रालयाने लाडकी बहीण योजनेच्या माध्यमातून देण्यात येणारी रक्कम थांबवली आहे. या योजनेच्या माध्यमातून आतापर्यंत 2.4 कोटी महिलांना पाच हफ्त्यांची रक्कम दिल्याचं सरकारकडून सांगण्यात येत आहे. परंतु, विधानसभा निवडणुकीदरम्यान महिलांना यापुढील रक्कम दिली जाणार नाही. तसच या योजनेसाठी नवीन अर्जही करता येणार नाहीत. विधानसभा निवडणूक लक्षात घेऊन सरकारने महिलांच्या खात्यावर ऑक्टोबर आणि नोव्हेंबरची रक्कम आधीच जमा केली आहे.

हे ही वाचा >>  Maharashtra Election: "चहावाले नरेंद्र मोदी, देवेंद्र फडणवीस मतांची भीख..."; अर्ज दाखल करताच अभिजीत बिचुकले कडाडले

बोनस मिळणार की नाही?

राज्य सरकारने लाडकी बहीण योजनेच्या माध्यमातून 3000 रुपयांचा बोनस देण्याची घोषणा केली होती, अशी चर्चा सोशल मीडियावर रंगली होती. परंतु, निवडणूक आयोगाच्या या निर्देशानंतर बोनसचे पैसे मिळण्याची शक्यता धूसर झाली आहे. कारण महिला व बालविकास मंत्री आदिती तटकरे यांनी महिलांना दिवाळीला बोनस मिळणार नाही, हे स्पष्ट केलं. लाडकी  बहीण योजनेच्या माध्यमातून दिवाळीला बोनस मिळणार असल्याच्या व्हायरल बातम्या खोट्या असल्याचं तटकरेंनी सांगितलं.

हे ही वाचा >>  Prithvi Shaw चा खेळ खल्लास! मुंबईच्या स्टार फलंदाजाला रणजी ट्रॉफीतून का वगळलं? धक्कादायक कारण आलं समोर

जुलै 2024 पासून लाडकी बहीण योजनेची सूरूवात करण्यात आली होती. या योजनेच्या माध्यमातून पात्र महिलांच्या खात्यात दरमहा 1500 रूपये जमा करण्यात आले होते. त्यानुसार आता नोव्हेंबरपर्यंत महिलांच्या खात्यात 7500 रूपये जमा झाले आहेत. त्यामुळे आतापर्यंत राज्यातील 2 कोटी 34 लाख पात्र भगिनींनी या योजनेचा लाभ मिळाला आहे, अशी माहिती आहे.