Amit Thackeray : उपकारांची परतफेड करावी अशी... अमित ठाकरे महायुतीबद्दल काय म्हणाले?

अमित ठाकरे यांनी आज पत्रकार परिषद घेतली. यावेळी त्यांना एकनाथ शिंदे यांनी आपल्याविरोधात सदा सरवणकर यांना उमेदवारी दिल्याबद्दल विचारलं असता ते म्हणाले की, साहेबांना मी स्वत: सांगितलं की माझ्यासाठी जागांची तडजोड करू नका. तसंच शिवसेना एकनाथ शिंदे आणि उद्धव ठाकरे यांच्या उमेदवारांनाही त्यांनी शुभेच्छा दिल्या. लोकसभेला मनसेने महायुतीला पाठिंबा दिला होता, त्याबद्दल बोलताना अमित ठाकरे म्हणाले की, राज ठाकरे ठाम भूमिका घेतात. ती उपकाराची भावना नसते. राज साहेबांनी काही उमेदवारांसाठी सभा घेतल्या, पण त्यांनी परतफेड करावी अशी आमची इच्छा नाही असं अमित ठाकरे म्हणाले.

हे ही वाचा >>Ajit Pawar Candidates List : अजितदादांच्या NCP ची पहिली यादी आली समोर, नेमक्या कोणत्या जागा मिळाल्या?

विधानसभेची निवडणूक ही लढाई आहे, मी एकटा निवडणुकीत उतरून काही होणार नाही असंही अमित ठाकरे यावेळी म्हणाले. माझ्यावर राजसाहेबांचे संस्कार आहेत, त्यामुळे वरळीत काय होतं, समोरचे काय भूमिका घेतात याबद्दलचा विचार करत नाही असं अमित ठाकरे म्हणाले आहेत. आपण साहेबांकडे कुठल्याही मतदारसंघाची मागणी केली नव्हती असंही त्यांनी यावेळी सांगितलं. 

हे ही वाचा >>Mahayuti : अजित पवारांमुळेच महायुतीला धोका? काय आहे राजकीय अर्थ?

दादर-माहिमच्या जनतेचे प्रश्न मला तोंडपाठ आहेत. निसर्गाने दिलेला समुद्रकिनारा साफ करुन लोकांना दाखवायचाय असं म्हणत अमित ठाकरे यांनी आपलं व्हिजनही स्पष्ट केलं. फक्त माहिम आणि दादरसाठी नाही तर आपले दरवाजे हे महाराष्ट्रासाठी खुले आहेत, पण मतदारसंघातील जनतेसाठी काही दिवस ठरवणार असल्याचंही अमित ठाकरे यांनी यावेळी सांगितलं.