Ajit Pawar Vs Eknath Shinde : 'मी तर शपथ घेणार, त्यांचं काही...' अजितदादांचा टोला, शिंदे म्हणाले; 'दादांना सकाळी-संध्याकाळ...'

Devendra Fadnavis : देवेंद्र फडणवीस हेच मुख्यमंत्री होणार असून, आज महायुतीच्या तिन्ही नेत्यांकडून यावर शिक्कामोर्तब झालं आहे. विधान भवनात भाजपच्या कोअर कमिटीची बैठक पार पडली. या बैठकीत देवेंद्र फडणवीस यांची गटनेतेपदी निवड झाली. त्यानंतर महायुतीचे सर्व नेते राजभवनावर गेले. यावेळी सत्तास्थापनेचा दावा करण्यात आला. तसंच एकनाथ शिंदे आणि अजित पवार यांनी देवेंद्र फडणवीस यांना समर्थनाचं पत्रही राज्यपालांकडे सुपूर्द केलं. यानंतर महायुतीच्या तिन्ही नेत्यांनी पत्रकार परिषद घेतली. यावेळी फडणवीसांनी दोन्ही नेत्यांचे आणि सर्व आमदारांचे आभार मानले. या पत्रकार परिषदेत शिंदे आणि अजित पवार यांच्यातले टोले टोमणे चर्चेचं कारण ठरले.