कामाची बातमी: 'या' 7 स्टेप्स फॉलो करा, आता घर बसल्याच मिळवा Driving Licence

ऑनलाइन ड्रायव्हिंग लायसन्ससाठी कसं अप्लाय कराल?

ड्रायव्हिंग लायसन्स मिळविण्याची प्रक्रिया दोन टप्प्यात आहे: 

• लर्निंग लायसन्स 
• कायमस्वरूपी ड्रायव्हिंग लायसन्स

दोन्हीसाठी ऑनलाइन अर्ज करण्याची प्रक्रिया पुढीलप्रमाणे

1. वेबसाइट वर जा: sarathi.parivahan.gov.in या अधिकृत वेबसाईटला भेट द्या.

2. राज्य निवडा: तुम्ही राहत असलेलं राज्य निवडा.

3. सेवा पर्याय निवडा:

• जर तुम्ही पहिल्यांदा ड्रायव्हिंग लायसन्ससाठी अप्लाय करत असाल तर 'Apply for Learner License ' पर्याय निवडा.
• जर तुमच्याकडे लर्निंग लायसन्स असेल तर 'Apply for Driving License ' हा पर्याय निवडा.

4. फॉर्म भरा: फॉर्ममध्ये आवश्यक ती माहिती भरा आणि महत्त्वाचे दस्तऐवज अपलोड करा.

5. शुल्क भरा: ऑनलाइन पर्यायांचा वापर भरून शुल्क भरा.

6. टेस्ट शेड्यूल करा: ड्रायव्हिंग टेस्टसाठी स्लॉट बुक करा.

7. RTO ला उपस्थिती लावा: आवश्यक कागदपत्रांसह नियोजित तारखेला RTO कार्यालयात भेट द्या.

हे ही वाचा: Today Gold Rate : अहो राव, काय ते सोन्याचे भाव! सोनं पुन्हा कडाडलं, आजचे दर वाचून सर्वांनाच बसलाय धक्का

ड्रायव्हिंग लायसन्ससाठी आवश्यक कागदपत्रे

ओळखपत्र: आधार कार्ड, पॅन कार्ड, पासपोर्ट इ.
पत्त्याचा पुरावा: वीजबील, रेशन कार्ड, बॅंक स्टेटमेंट इ.
वय प्रमाणपत्र: 10 वीची मार्कशीट, जन्म प्रमाणपत्र इ.
फोटो: 2 ते 3 पासपोर्ट साइज फोटोज

वैद्यकीय प्रमाणपत्र:

• 40 वर्षांपेक्षा कमी वयासाठी: फॉर्म 1 (स्व-घोषणापत्र).
• 40 वर्षे किंवा त्याहून अधिक वयाच्या व्यक्तींसाठी: फॉर्म 1A (वैद्यकीय प्रमाणपत्र).

ड्रायव्हिंग लायसन्स मिळविण्याचा खर्च

वाहनाच्या प्रकारानुसार आणि राज्य नियमांनुसार शुल्क बदलू शकते. नेहमीचे शुल्क खालीलप्रमाणे आहे:

शिकण्याचा परवाना:

अर्ज शुल्क: 150 ते 200 रुपये
टेस्ट शुल्क: 50 रुपये (पुनर्चाचणीसाठी अतिरिक्त 50 रु.)

परमनन्ट (Permanent)ड्रायव्हिंग लायसन्स:

अर्ज शुल्क: 200 ते 400 रुपये
टेस्ट: 300 रुपये (काही राज्यांमध्ये)
स्मार्ट कार्ड शुल्क: 200 रुपये

इतर शुल्क (लागू असल्यास) 

• ड्रायव्हिंग स्कूल प्रमाणपत्र: 500 ते 1000 रुपये (खाजगी संस्थांवर अवलंबून)
• डुप्लिकेट लायसन्स: 200 ते 500 रुपये
• आंतरराष्ट्रीय ड्रायव्हिंग लायसन्स: 1000 रुपये

टीप: नेमके शुल्क जाणून घेण्यासाठी तुमच्या राज्याच्या RTO पोर्टल किंवा वाहतूक वेबसाइटवर तपास करा.

हे ही वाचा: Personal Finance: मुलीच्या लग्नासाठी मिळतील 27 लाख रुपये, LIC चा हा प्लॅन पाहिला का, फक्त 121 रुपयात!

प्रक्रियेसाठी लागणारा कालावधी

लर्निंग लायसन्स: अर्ज केल्यानंतर आणि टेस्ट पास झाल्यानंतर लर्निंग लायसन्स त्याच दिवशी किंवा 1 ते 2 दिवसांच्या आत पीडीएफ स्वरूपात उपलब्ध होते.
काही राज्यांमध्ये ते 7 ते 14 दिवसांच्या आत पोस्टाने पाठवले जाते.

कायमस्वरूपी वाहन चालविण्याचं लायसन्स: ड्रायव्हिंग टेस्ट उत्तीर्ण झाल्यानंतर 7 ते 30 दिवसांच्या आत लायसन्स पोस्टाने तुमच्या पत्त्यावर पोहोचते.
ऑनलाइन डाउनलोड पर्याय देखील उपलब्ध असू शकतो.

टीप: कालावधी RTO कार्यालयाच्या कार्यक्षमतेवर आणि अर्जांच्या संख्येवर अवलंबून असतो.