Election 2024: 'या' मतदारसंघात अजित पवार-शिंदे गटाचे उमेदवार आमनेसामने, मोठं कारण आलं समोर

नाशिकच्या पंधरा विधानसभा मतदारसंघात कोण कोणते उमेदवार निवडणुकीच्या रिंगणात उतरले आहेत, हे चित्र स्पष्ट झालं आहे. शिंदे सेनेनं ऐनवेळी अजित पवार यांच्या उमेदवारांविरोधात दिंडोरी आणि देवळाली मतदारसंघात एबी फॉर्म दिले होते. त्यामुळे मोठा राजकीय ट्वीस्ट निर्माण झाला आहे. कारण दिंडोरी येथून धनराज महाले यांनी माघार घेतली आहे. परंतु, देवळालीच्या राजेश्री अहिरराव यांनी माघार घेतली नाही. शिवसेना शिंदे गटाचे माजी खासदार हेमंत गोडसे यांनी निवडणूक आयोगाला पत्र दिलं.

हे ही वाचा >> Maharashtra Election: माजी आमदार दिलीप मानेंसह मुलगा पृथ्वीराजची निवडणुकीतून माघार, नेमकं कारण काय?

आम्ही काही कारणास्तव उमेदवारांना एबी फॉर्म दिले होते ते रद्द करा आणि त्यांची उमेदवारी ग्राह्य धरू नका. असं पत्र त्यांनी देवळालीच्या निवडणूक अधिकाऱ्यांना  दिला होता. पण निवडणूक निर्णय अधिकाऱ्यांनी स्पष्ट केलं की, उमेदवारांच्या सहीचं पत्र हवं, तरच हे ग्राह्य धरलं जाईल. देवळाली मतदारसंघात महायुतीचे दोन उमेदवार असणार आहेत. अजित पवार गटाच्या सरोज आहिरे घडाळ चिन्हावर निवडणूक लढतील. राजश्री आहिरराव शिवसेनेच्या धनुष्यबाणावर लढतील. योगेश घोलप महाविकास आघाडीचे उमेदवार असणार आहेत. ते मशाल चिन्हावर लढणार आहेत. 

हे ही वाचा >> Vidhan Sabha Election : अर्ज मागे घेण्याची मुदत संपली, 24 मतदारसंघांमध्ये शेवटच्या क्षणी मोठ्या घडामोडी, वाचा एका क्लिकवर