Rakshabandhan: रक्षाबंधनाच्या ओवाळणीसाठी निघाले होते, पण बहीण-भावासोबत रस्त्यातच घडलं भयंकर अन्...

बहीण-भावासोबत नेमकं काय घडलं? 

शिक्षणासाठी ऋतुजा पुणे येथे रहात होती. भाऊ-बहिणीच्या पवित्र नात्याचा रक्षाबंधन हा सण आज सोमवारी असल्याने ऋतुजा पंढरपूर येथून एसटी बसने रविवारीच निघाली होती. तिला घेण्यासाठी तिचा भाऊ रोहित कार घेऊन पंढरपूरमध्ये दाखल झाला होता.मंगळवेढा मार्गावरील गोपाळपूरच्या पुढे भानवसे वस्तीजवळ दुपारी साडेचारच्या सुमारास ते पोहोचले होते. या दरम्यान पंढरपूरकडे निघालेल्या आयशर टेम्पोची कारला समोरून जोरात धडक बसली.

हे ही वाचा >> Sambhaji Bhide: बांगलादेशच्या माजी पंतप्रधान शेख हसीनांनी भारतात आश्रय का घेतला? संभाजी भिडेंनी उलगडला 'तो' इतिहास

दोघांनाही उपजिल्हा रुग्णालयात दाखल केलं होतं, पण...

हा अपघात इतका भीषण होता की कारचा अक्षरशः चक्काचूर झाला. टेम्पोचीही समोरून मोठी मोडतोड झाल्याचे दिसून आले. कारमधून प्रवास करणारे रोहित आणि ऋतुजा हे भाऊ-बहीण गंभीर जखमी झाल्याने त्यांचा मृत्यू झाला. हा अपघात घडल्यावर शेजारी असलेल्या नागरिकांनी घटनास्थळी धाव घेतली. टेम्पोने धडक दिल्यानंतर कारमध्ये दोघेही अडकले होते. त्यानंतर नागरिकांनी त्यांना कारमधून बाहेर काढले आणि रुग्णवाहिकेतून पंढरपूरच्या उपजिल्हा रुग्णालयात दाखल केले. घटनास्थळी पंचनामा करून पोलिसांनी या घटनेची नोंद केली आहे. 

हे ही वाचा >> Raksha Bandhan 2024: रक्षाबंधनाला भद्राचं सावट! राखी बांधण्यासाठी इतकेच तास शुभ