Nitesh Rane : बोर्डाच्या परीक्षा केंद्रांमध्ये बुरखा घालण्यास परवानगी देऊ नका, शिक्षण मंत्र्यांना पत्र

शालेय शिक्षण मंत्री दादा भुसे यांना लिहिलेल्या पत्रात त्यांनी म्हटलं आहे की, "परीक्षा हॉलमध्ये मुलींना बुरखा घालण्याची परवानगी दिल्याने गोंधळ निर्माण होऊ शकतो आणि सुरक्षेचे प्रश्नही निर्माण होऊ शकतात. दहावी आणि बारावीच्या बोर्ड परीक्षेला बसणाऱ्या मुलींना बुरखा घालण्याची परवानगी देऊ नये. आवश्यक असल्यास, तपासणीसाठी महिला पोलीस अधिकारी किंवा महिला कर्मचाऱ्यांची नियुक्ती करावी. विद्यार्थ्यांच्या भविष्यासाठी या परीक्षा खूप महत्त्वाच्या आहेत. नागरिकांच्या कल्याणासाठी आणि परीक्षा पारदर्शक पद्धतीने होईल. तसंच गैरप्रकार होणार नाही."

हे ही वाचा >> Pune: 'तिच्यावर बलात्कार करून, हत्या कर..', सातवीच्या मुलाने दिली 100 रुपयांची सुपारी

नितेश राणे पुढे म्हणाले, "जर परीक्षार्थींना बुरखा घालण्याची परवानगी दिली तर इलेक्ट्रॉनिक गॅझेट्स किंवा इतर माध्यमांचा वापर करून गैरप्रकार केले जातात की नाही हे शोधणं कठीण होईल.तसंच कोणतीही अनुचित घटना घडल्यास, सामाजिक आणि कायदा आणि सुव्यवस्थेचे प्रश्न निर्माण होऊ शकतात. ज्यामुळे अनेक विद्यार्थ्यांना त्रास होऊ शकतो."

हे ही वाचा >> बुलढाणा: महिलेच्या गर्भातील बाळाच्या पोटात दुसरं बाळ... हे घडलं तरी कसं?

दरम्यान, महाराष्ट्र स्टेट बोर्डाच्या परीक्षा 11 फेब्रुवारीपासून सुरू होणार आहेत. अधिकाऱ्यांनी सांगितलंय की, शालेय शिक्षण मंत्रालयाने अद्याप त्यांच्या मागणीला प्रतिसाद दिलेला नाही.