Raj Thackeray : "अजित पवार ते हेमंत बिस्वा शर्मा... भाजपने ज्यांच्यावर आरोप केले, त्यांनाच मंत्री केलं"

Raj Thackeray Mumbai : राज ठाकरे यांनी पदाधिकाऱ्यांशी बोलताना भाजप आणि महायुतीवर तुफान हल्लाबोल केल्याचं पाहायला मिळालं. विधानसभा निवडणुकीच्या आधी राज ठाकरे आणि महायुतीच्या नेत्यांच्या भेटीगाठी सुरू होत्या. विधानसभेत राज ठाकरे महायुतीसोबत अशीही चर्चा होती. मात्र, नंतर चित्र एकदमच बदललं. राज ठाकरे यांनी आता महायुतीवर तुफान फटकेबाजी करण्यास सुरूवात केल्याचं दिसतंय. तसंच आपल्यावर भूमिका बदलल्याचा आरोप करणाऱ्यांनाही सवाल करा असं राज ठाकरे म्हणाले. यावेळी त्यांनी भाजपने ज्या नेत्यांवर टीका केली होती, नंतर त्यांनाच भाजपने कसं सोबत घेतलं हे सांगताना अनेक नेत्यांची उदाहरणं दिली आहे.