Haryana Election Result: विनेश फोगाटचा मोठा विजय, पण ब्रिजभूषण सिंह 'हे' काय बोलून गेले...

याशिवाय ब्रिजभूषण म्हणाले की, 'ज्या पद्धतीने शेतकऱ्यांच्या नावावर, पैलवानांच्या नावावर भ्रमित करण्याचा प्रयत्न झाला.. पण तो जनतेने नाकारला.' असे ते म्हणाले.

ब्रिजभूषण शरण सिंहांची जहरी टीका

काँग्रेसचा नायनाट कशामुळे झाला, असे विचारले असता? ब्रिजभूषण शरण सिंह यांनी विनेश फोगटचे नाव न घेता टीका केली. ते म्हणाले की, 'ती (विनेश) तर काय जिंकणारच होती.. ती इथेही (कुस्ती) बेईमानीने जिंकायची आणि आता तिथेही जिंकली. मात्र तिच्या विजयाच्या नादात काँग्रेसचा पराभव झाला. हे जिंकणारे कुस्तीपटू हिरो नसून खलनायक आहेत.' अशी घणाघाती टीका ब्रिजभूषण सिंह यांनी केली आहे.

हे ही वाचा>> Election Results 2024: हरियाणात BJP चा उलटफेर, काश्मीरमध्ये काय घडतंय?

ब्रिजभूषण शरण सिंह यांच्यावर अनेक कनिष्ठ महिला कुस्तीपटूंचे लैंगिक शोषण केल्याचा आरोप करून गेल्या वर्षी दिल्लीतील जंतरमंतरवर जोरदार आंदोलन केलं होतं. ज्यामध्ये कुस्तीपटूंमध्ये विनेश फोगटचा समावेश होता. कुस्तीपटूंच्या आरोपानंतर भारतीय कुस्ती विश्वात खळबळ उडाली होती. भाजपने ब्रिजभूषण सिंह यांचे तिकीट रद्द करून त्यांच्या मुलाला लोकसभेचं तिकीट दिलं होतं. ब्रिजभूषण यांच्याविरोधातील लैंगिक शोषणाचा खटला अजूनही न्यायालयात सुरू आहे.

कुस्तीपटू विनेश फोगट हरियाणाच्या जिंद जिल्ह्यातील जुलाना विधानसभा मतदारसंघातून विजयी झाली आहे. तिने भाजपचे कॅप्टन योगेश बैरागी यांचा 6 हजारांहून अधिक मतांनी पराभव केला आहे. विनेशची ही पहिलीच निवडणूक होती. मात्र, तिचा पक्ष (काँग्रेस) निवडणुकीत सरकार स्थापन करण्यात अपयशी ठरला.

हे ही वाचा>> Harshavardhan Patil : ''सुप्रिया सुळेंच्या विजयात आमचा अदृष्य सहभाग'', हर्षवर्धन पाटलांचं मोठं विधान

दुपारी 5 वाजेपर्यंतचे निकाल पाहता हरियाणात भाजप हॅटट्रिक करणार असल्याचे स्पष्ट झाले आहे. हा एक विक्रम आहे, कारण हरियाणात कोणत्याही पक्षाने सलग तिसऱ्यांदा निवडणूक जिंकलेली नाही. इतकेच नाही तर हरियाणाच्या इतिहासातील ही भाजपची आतापर्यंतची सर्वोत्तम कामगिरी आहे. भाजपला यापूर्वी कधीही ५० चा आकडा गाठता आलेला नाही.