Baba Siddiqui Security: बाबा सिद्दीकींकडे कोणत्या दर्जाची सेक्युरिटी होती? Y की Z? 

मिळालेल्या माहितीनुसार, बाबा सिद्दीकींच्या हत्येची सुपारी कुणी दिली होती, याबाबत पोलिसांना अधिकृत माहिती मिळाली नाही. बाबा सिद्दीकींना जीवे मारण्याची कोणत्याही प्रकारची धमकीही देण्यात आली नव्हती. बाबा सिद्दीकींकडे कोणत्याही प्रकारची एक्स आणि वाय दर्जाची सेक्युरिटी नव्हती. मुंबई पोलिसांनी सिद्दीकींना दोन पोलिसांची सुरक्षा दिली होती. (The killing of NCP leader and former minister Baba Siddiqui has created a sensation everywhere. Siddiqui was shot indiscriminately in Bandra. Police have arrested two accused in this case)

हे ही वाचा >> Baba Siddique Death : बाबा सिद्दीकींच्या हत्येचा मुख्य सूत्रधार कोण? धक्कादायक माहिती आली समोर 

मुख्यमंत्री एकनाथ शिंदेंनी दिली मोठी प्रतिक्रिया

सत्ताधारी राष्ट्रवादी पक्षाचे नेते बाबा सिद्दीकी यांची हत्या झाल्यानंतर राज्याचे मुख्यमंत्री एकनाथ शिंदे यांनी माध्यमांशी बोलताना प्रतिक्रिया दिली. यावेळी शिंदे म्हणाले, "ही अत्यंत दुर्दैवी घटना असून मी डॉक्टर आणि पोलिसांशी बोललो आहे. दोघांना अटक करण्यात आली असून, आरोपी उत्तर प्रदेश आणि हरियाणाचे आहेत. तिसरा आरोपी फरार आहे. कायदा आणि सुव्यवस्था आपल्या हातात घेणाऱ्यांवर कडक कारवाई करण्याच्या सूचना आम्ही मुंबई पोलिसांना दिल्या आहेत. मला खात्री आहे की मुंबई पोलीस लवकरच तिसऱ्या आरोपीला अटक करतील. आरोपींवर कडक कारवाई केली जाईल". 

हे ही वाचा >> Gangster Lawrence Bishnoi: बॉलिवूडचा 'तो' दिग्गज अभिनेता लॉरेन बिश्नोईच्या हिटलिस्टमध्ये पहिल्या नंबरवर

राष्ट्रवादी काँग्रेस अजित पवार गटाचे नेते बाबा सिद्दीकी काँग्रेस सोडण्यापूर्वी मुंबई प्रदेश काँग्रेस कमिटी आणि महाराष्ट्र प्रदेश काँग्रेस कमिटीच्या संसदीय मंडळाचे अध्यक्ष आणि वरिष्ठ उपाध्यक्ष म्हणून काम पाहत होते. सुरुवातीच्या काळात ते विद्यार्थी चळवळीत होते. 1980 मध्ये त्यांना वांद्रे युवक काँग्रेसचे सरचिटणीस बनवण्यात आले आणि चार वर्षांनी ते अध्यक्ष झाले. 1988 मध्ये ते मुंबई युवक काँग्रेसचे अध्यक्ष झाले.