Rajya Sabha Election 2024 : ठाकरेंच्या आमदारांना शिंदेंचा व्हीप पाळावा लागणार?

आता या निवडणुकीत कोणाचे उमेदवार विजयी होतील, हे निकालानंतर कळेलच, पण या निवडणुकीत ठाकरेंच्या आमदारांची अडचण होणार का? ठाकरेंच्या आमदारांना शिंदेंना व्हिप लागू होणार आहे का? असे अनेक प्रश्न उपस्थित केले जात आहेत. हेच सगळं समजावून घेऊयात…

लोकसभेच्या आधी महाराष्ट्रात एक महत्त्वाची निवडणूक येऊ घातली आहे. महाराष्ट्रातील राज्यसभेचे सहा खासदारांचा कार्यकाळ संपतोय. या जागांसांठी आता 27 जूनला निवडणूक होणार आहे.

कोणत्या खासदारांचा संपणार कार्यकाळ?

यामध्ये शिवसेनेचे (ठाकरे) अनिल देसाई, राष्ट्रवादीच्या वंदना चव्हाण, काँग्रेसचे कुमार केतकर, भाजपचे नारायण राणे, प्रकाश जावडेकर आणि मुरलीधरण यांची टर्म संपते आहे. या सहा खासदारांची टर्म संपत असल्याने यांच्या जागांवर आता निवडणूक होणार आहे.

तुम्हाला हे माहित असेलच की राज्यसभेच्या निवडणुकीत लोक नाही, तर आमदार मतदान करत असतात. दोन वर्षापूर्वी याच राज्यसभेच्या निवडणुकीनंतर एकनाथ शिंदेंनी बंड केलं होतं आणि आमदारांसोबत सूरतला निघून गेले होते.

हेही वाचा >> “…तर तू चार लाथा खायच्या”, पुष्कर जोगला चॅलेंज, किरण मानेंची सणसणीत पोस्ट

आता पुन्हा राज्यसभेची निवडणूक येऊ घातली आहे. आता आमदारांची संख्या कमी असल्याने ठाकरेंनी उमेदवार दिल्यास तो निवडून येणे अवघड आहे. दुसरीकडे पवार गटाची देखील अशीच परिस्थिती आहे.

राज्यसभेसाठी कसं आहे मतांचं गणित?

राहिला प्रश्न काँग्रेसचा तर एका उमेदवाराला निवडून येण्यासाठी 42 मतांचा कोटा आहे. त्यामुळे काँग्रेस ठाकरे गट आणि पवार गटाच्या मदतीने आपला उमेदवार निवडून आणू शकते.

दुसरीकडे शिंदेंकडे देखील पन्नास आमदारांचा पाठिंबा असल्याने ते त्यांचा उमेदवार मैदानात उतरवू शकतात. राज्यसभेवर मिलिंद देवरा यांना शिंदे गटाकडून पाठवलं जाऊ शकतं, असं बोललं जातंय. तशा शब्द दिला गेला असल्यामुळे त्यांनी काँग्रेस सोडली, असंही राजकीय वर्तुळात दबक्या आवाज बोललं जातंय.

हेही वाचा >> ‘गांधीजींची हत्या नथुराम गोडसेने केलीच नाही’, सावरकरांच्या नातवाचा खळबळजनक दावा

दुसरीकडे भाजप आपल्या आमदारांच्या जोरावर तीन उमेदवार निवडून आणू शकते, तर अजित पवार गट देखील एखादा उमेदवार रिंगणात उतरवू शकतो. त्यामुळे आता नेमकी कोणाला उमेदवारी मिळते हे पाहणं महत्त्वाचं असणार आहे.

ठाकरेंच्या आमदारांना शिंदेंचा व्हीप लागणार का?

दुसरीकडे या निवडणुकीत मतदानाच्या वेळी पक्षांकडून व्हिप जारी केला जाण्याची शक्यता आहे. शिंदे गटाकडून देखील व्हिप जारी केला जाऊ शकतो. असं झाल्यास ठाकरे गटाला त्यांचा व्हिप पाळावा लागणार का? असा प्रश्न आहे.

तर या प्रश्नाचं उत्तर हो असंच आहे. शिवसेना आमदार अपात्रतेचा निकाल नुकताच जाहीर झाला आहे. यामध्ये विधानसभा अध्यक्ष राहुल नार्वेकर यांनी भरत गोगावले यांची व्हिप म्हणून नियुक्ती ग्राह्य धरली आहे.

हेही वाचा >> Chhagan Bhujbal नी शिंदे सरकारविरोधात थोपटले दंड! ओबीसींना हाक, केली मोठी घोषणा

दुसरीकडे खरी शिवसेना शिंदेंचीच असल्याचं देखील म्हटलं आहे. हे सांगताना राहुल नार्वेकरांनी हे स्पष्ट म्हटलेलं आहे की, शिवसेनेत फूट नाही. त्यामुळे गोगावले जो व्हीप काढतील, तो शिवसेनेच्या सगळ्याच आमदारांना लागू असेल, ठाकरे गटातील आमदारांनीही.

आता ठाकरे गट जरी आम्ही स्वतंत्र गट असल्याचं म्हणत असला तरी विधिमंडळात ठाकरे गटाचं स्वतंत्र पक्ष म्हणून अस्तित्व नाहीये. शिवसेना हा एकच पक्ष आहे, ज्याचे नेते एकनाथ शिंदे आहेत. त्यामुळे ठाकरे गटाला शिंदे गटाचा व्हिप लागू होऊ शकतो.

सर्वोच्च न्यायालय काय देणार निर्णय?

आता ठाकरे गट पुन्हा एकदा सर्वोच्च न्यायालयामध्ये गेला आहे. सर्वोच्च न्यायालयाने यात हस्तक्षेप करत शिंदेंचा व्हिप ठाकरे गटाला लागू होणार नाही असं म्हटलं तर मात्र ठाकरे गटाला यापासून संरक्षण मिळू शकतं.

त्यामुळे जर शिंदे गटाने व्हिप काढला आणि ठाकरे गटाने तो पाळला नाही तर ठाकरे गटावर अपात्रतेची कारवाई देखील केली जाऊ शकते. आता ठाकरे गट या निवडणुकीआधी सर्वोच्च न्यायालयात जाणार का, सर्वोच्च न्यायालयातून याबाबत काही स्टे आणणार का हे पाहणं महत्त्वाचं आहे. आता ही निवडणूक इंटरेस्टिंग होणार आहे.