Constituency Wise BJP Candidates List: घाटकोपर पश्चिममधून भाजपने दिलं 'या' दिग्गज नेत्याला तिकीट, तिसऱ्यांदा हॅट्ट्रिक करण्याची संधी?

घाटकोपर पश्चिम हा भाजपचा बालेकिल्ला राहिलेला आहे. या मतदार संघातून सलग तीन वेळा राम कदम यांनी विजय मिळवला होता. यामध्ये दोन वेळा राम कदम भाजपच्या तिकीटावर जिंकून आले आहेत. तर एक वेळ मनसेच्या तिकीटावर जिंकून आली होती. आता पुन्हा एकदा भाजपने त्यांना संधी दिली आहे. त्यामुळे राम कदम यांना विजय मिळवून हॅट्ट्रीक करण्याची संधी आहे. 

हे ही वाचा : BJP Candidates List: सर्वात मोठी बातमी! भाजपची पहिली यादी जाहीर, 99 उमेदवारांची नावं वाचा एका क्लिकवर 

 2019 विधानसभा निवडणुकीत भाजपने किती जागा लढवलेल्या? 

2019 च्या विधानसभा निवडणुकीत भाजपने 164 जागा लढवल्या होत्या. तर  शिवसेनेने 124 जागा लढवल्या होत्या. त्याआधी म्हणजे 2014 मध्ये भाजप आणि शिवसेनेची युती तुटली होती. त्यांनी या दोन्ही पक्षांनी स्वबळावर निवडणुका लढवल्या होत्या. 

महाराष्ट्राची सत्ता राखण्याचं भाजप समोर आव्हान 

लोकसभा निवडणूक 2024 मध्ये भाजपला महाराष्ट्रात सपाटून मार खावा लागला. 2014 आणि 2019 मध्ये महाराष्ट्रातील जनतेने भाजप युतीला भरभरून मतदान केलं होतं. त्यामुळे त्यांचे विक्रमी खासदार निवडून आले होते. मात्र, 2024 निवडणुकीत भाजप आणि महायुतीला महाराष्ट्रातील जनतेने सपशेल नाकारलं. 

हे ही वाचा : BJP Candidate List : किती विद्यमान आमदारांना संधी, कुणाला डच्चू? भाजपच्या यादीचं10 मुद्द्यांमध्ये विश्लेषण

लोकसभेतील कामगिरी ही भाजपसाठी एका अर्थाने धोक्याची घंटा आहे. त्यामुळेच विधानसभा निवडणुकीत सत्ता पुन्हा मिळविण्यासाठी भाजपने कठोर पावलं उचलण्यास सुरुवात केली आहे. त्याचीच परिणिती म्हणजे आजची ही पहिली यादी आहे. ज्यामध्ये दिग्गज नेत्यांची तिकिटं कापण्यात आली आहेत.