फडणवीसांच्या राजवटीत शिंदेंपेक्षा अजितदादांना का मिळतंय जास्त महत्त्व? | Opinion

भाजपने एकनाथ शिंदे यांना मुख्यमंत्रीपद दिलं तर नाहीच, पण आता त्यांची इच्छा असलेली मंत्रिपदंही अद्याप त्यांना मिळालेली नाही. एकीकडे अजितदादांनी आधीच शरणागती स्वाकारली असल्याचं बोललं जात आहे, कदाचित त्यामुळेच भाजप आणि एकनाथ शिंदे यांच्यातच आता रस्सीखेच सुरू आहे.

अजित पवार हे आधी एकनाथ शिंदे यांच्या मागे होते, ते आजही संख्येच्या बाबतीत मागे आहेत. पण, अजितदादांनाही एकनाथ शिंदें इतकेच महत्त्व मिळत असून, कधी-कधी त्यांना एकनाथ शिंदेंपेक्षाही अधिक महत्त्व मिळत असल्याचे दिसते आहे.

हे ही वाचा>> दिल्लीत नवा डाव, अमित शाह गेले शरद पवारांच्या घरी, 'ही' भेट अन् बरंच काही!

महाराष्ट्राच्या मंत्रिमंडळात मुख्यमंत्र्यांसह जास्तीत जास्त 43 मंत्री असू शकतात. विधानसभेत एकूण 288 जागा आहेत, त्यापैकी भाजपने 132 जागा जिंकल्या आहेत. शिवसेना 57 जागांसह महाआघाडीत दुसऱ्या क्रमांकावर आहे, आणि राष्ट्रवादीला 41 जागा मिळाल्या आहेत. परंतु अजित पवारांचा असा युक्तिवाद आहे की, त्यांचा स्ट्राइक रेट चांगला आहे कारण राष्ट्रवादीने युतीतील त्यांच्या वाट्यापेक्षा जास्त जागा जिंकल्या आहेत.

एकनाथ शिंदे यांचे पंख छाटण्याचं एक उदाहरण म्हणजे दिल्लीत अमित शाहांसोबतच्या बैठकीला त्यांचं नसणं. या बैठकीला देवेंद्र फडणवीस यांच्यासह भाजप अध्यक्ष जेपी नड्डाही उपस्थित होते. आश्चर्याची बाब म्हणजे या बैठकीला एकनाथ शिंदे यांना निमंत्रित करण्यात आले नव्हते.

एकनाथ शिंदे यांना जे मिळवायचे होते ते मिळालं!

महाराष्ट्राचे मुख्यमंत्री देवेंद्र फडणवीस आणि भाजप अध्यक्ष जेपी नड्डा यांनी केंद्रीय गृहमंत्री अमित शहा यांच्याशी 11 डिसेंबर रोजी त्यांच्या निवासस्थानी चर्चा केली होती. भाजप, शिवसेना आणि राष्ट्रवादी काँग्रेसमध्ये महाराष्ट्र सरकारच्या खात्यांच्या वाटपावरून सुरू असलेल्या चर्चांच्या पार्श्वभूमीवर ही बैठक झाली.

एकनाथ शिंदे यांची अनुपस्थिती आश्चर्यकारक आहे. एकनाथ शिंदे यांच्या कार्यालयातील सूत्रांच्या हवाल्याने हे वृत्त समोर आले की, त्यांना दिल्लीतील बैठकीसाठी बोलावण्यात आले नाही. 5 डिसेंबरला महाराष्ट्राचे मुख्यमंत्री झालेले देवेंद्र फडणवीस आणि उपमुख्यमंत्री अजित पवार दिल्लीत शिष्टाचाराच्या बैठका घेत आहेत आणि त्यामुळेच एकनाथ शिंदे यांच्या अनुपस्थितीबद्दल प्रश्न उपस्थित केले जात आहेत.

शिंदे दिल्लीत येत नसल्याबद्दल उपस्थित केलेल्या प्रश्नांवर अजित पवार म्हणाले की, 'काळजी करू नका... आम्ही सगळे एकत्र आहोत.'\

हे ही वाचा>> Nitesh Rane : "ज्यांना 2 पेक्षा जास्त मुलं..."; लाडकी बहीण योजनेबाबत नितेश राणे 'हे' काय बोलून गेले

संभाव्य खातेवाटपाबाबत एकनाथ शिंदे नाराज असल्याचं बोललं जात आहे. वास्तविक एकनाथ शिंदे यांना गृह आणि महसूल खाती हवी होती, पण ही खाती शिंदेंना न देण्याच्या मन:स्थितीत भाजप आहे. झाले असे की, एकनाथ शिंदे मुख्यमंत्री असताना गृहखाते उपमुख्यमंत्री देवेंद्र फडणवीस यांच्याकडे होते - आणि आता उपमुख्यमंत्री झाल्यानंतर एकनाथ शिंदे यांनाही तेच खातं हवं आहे, पण भाजपला ते मान्य नाही.

दरम्यान, एकनाथ शिंदे यांना अशी वागणूक का दिली जात आहे, असा प्रश्न उपस्थित होत आहे. भाजपच्या दृष्टीने एकनाथ शिंदे यांनी त्यांची आवश्यक उपयुक्तता गमावली आहे का?

सध्याची परिस्थिती पाहता असेच दिसते आहे. एकनाथ शिंदे यांच्याकडून जे काही मिळवायचे होते, ते भाजपला पूर्णपणे मिळाले आहे. तर त्यांना मुख्यमंत्री करून एकनाथ शिंदे यांनाही जे मिळवायचे होते ते त्यांनी मिळवलं आहे असं भाजपला वाटतं

दरम्यान, एकनाथ शिंदे यांचा उपयोग एवढाच होता की, त्यांनी उद्धव ठाकरेंना एक जोरदार आणि कायमस्वरुपी असा हादरा द्यावा. जे एकनाथ शिंदे यांनी चोखपणे केलं आहे.

आता उरलेल्या गोष्टींवर ताबा मिळवण्यासाठी भाजप एकनाथ शिंदे यांना घेऊन जात असल्याचे दिसते. बीएमसीची निवडणूक अजून व्हायची आहे. उद्धव ठाकरेंसाठी ही शेवटची परीक्षा मानली जात आहे.

दुसरीकडे एकनाथ शिंदे यांचीही अपरिहार्यता आहे. ते जास्त आग्रहही धरू शकत नाही. कारण भाजपने ठरवलं तर त्यांना नवा 'एकनाथ शिंदे' शोधायला फार वेळ लागणार नाही. हे एकनाथ शिंदे यांनाही चांगलेच कळते.

अजित पवारांवर भाजप जास्त मेहरबान का?

भाजप मंत्रिमंडळात 22-23 खाती ठेवणार असून अजित पवारांना एकनाथ शिंदे यांच्यापेक्षा किंचित कमी खाती मिळतील, असं बोललं जात आहे. मात्र आता सूत्रांच्या हवाल्याने देवेंद्र फडणवीस, एकनाथ शिंदे आणि अजित पवार यांच्यात 20-10-10 असा नवा फॉर्म्युला ठरल्याचे बोलले जात आहे. नव्या फॉर्म्युल्यानुसार भाजपकडे 20, एकनाथ शिंदे आणि अजित पवार यांना प्रत्येकी 10 मंत्रिपदे मिळणार आहेत.

अर्थ स्पष्ट आहे, नव्या महायुती सरकारमध्ये एकनाथ शिंदे यांच्या शिवसेनेचे आणि अजित पवारांच्या राष्ट्रवादीचे समान मंत्री असतील. मागील सरकारमध्ये शिवसेनेकडे राष्ट्रवादीपेक्षा एक खातं जास्त होतं.

अजित पवारांना जास्त महत्त्व देण्यामागे एक खास कारण आहे. पहिली गोष्ट म्हणजे एकनाथ शिंदे यांच्या आधीही अजित पवारांनी भाजपला उघड पाठिंबा दिला होता.

एकनाथ शिंदे मुख्यमंत्री होण्यावर ठाम असताना अजित पवार यांनी भाजपच्या मुख्यमंत्र्याला पाठिंबा देणार असल्याचे जाहीरपणे सांगितले होते. एकनाथ शिंदे अजूनही खात्यांबाबत नाराज असल्याचे बोलले जात असून, दुसरीकडे भाजप अजितदादांवर मात्र पूर्णपणे खुश आहे.

एकनाथ शिंदे यांनी जे काम पूर्ण केले ते अजित पवारांना पूर्ण करायचे आहे. शिवसेना व्होटबँक काबीज करेपर्यंत भाजपला एकनाथ शिंदेंचीच गरज आहे आणि तोपर्यंत एकनाथ शिंदे यांचे काही शब्द मान्य करावे लागतील.

अजित पवार यांनीही राष्ट्रवादी-काँग्रेसला नेस्तनाबूत करण्याचे काम हाती घेतले आहे, मात्र त्याचा परिणाम अद्यापही हाती लागलेला नाही. अजित पवारांनीही फार आनंदी राहण्याची गरज नाही, हा आदरातिथ्य आणि महत्त्व तोपर्यंतच आहे जोपर्यंत त्यांचा उपयोग आहे. एक दिवस असा येईल की अजित पवारही 'एकनाथ शिंदे' होतील.