Devendra Fadnavis : ...म्हणून शिंदे दिल्लीला आले नाही, मंत्रिमंडळ विस्ताराबद्दल बोलताना फडणवीसांनी स्पष्ट सांगितलं

देवेंद्र फडणवीस यांनी पंतप्रधान नरेंद्र मोदी यांची आज भेट घेतली. याबद्दल बोलताना फडणवीस म्हणाले मोदीची आमचे नेते आणि पितृतुल्य आहेत. आमच्या सर्वांचाच स्पेशल कनेक्ट त्यांच्यासोबत आहेत. ते आमच्या पालकाच्या भूमिकेत आहेत. त्यांना भेटणं आमच्यासाठी आनंदाची गोष्ट असते. मी त्यांना आजच्या भेटीत छत्रपतींची मूर्ती दिली कारण, ते नेहमी छत्रपती शिवरायांच्या मार्गाने ते चालतात. 

हे ही वाचा >>Maharashtra Cabinet Expansion Live Updates : शरद पवारांनी तलवारीने कापला वाढदिवसाचा केक

दिल्लीत असलेले अजित पवार आज सकाळीच शरद पवार यांच्या भेटीसाठी त्यांच्या निवासस्थानी पोहोचले होते. त्यांच्यासोबत छगन भुजबळ, प्रफुल पटेल, सुनेत्रा पवार, पार्थ पवार हे नेते सुद्धा उपस्थित होते. शरद पवार यांचा आज वाढदिवस असून, त्यांना शुभेच्छा देण्यासाठी आपण भेटल्याचं अजितदादांनी सांगितलं. 

शरद पवारांच्या भेटीनंतर अजित पवार म्हणाले, शरद पवार साहेबांसोबत परभणी, राज्यसभा आणि लोकसभेबद्दल चर्चा झाली. मंत्रिमंडळाचं काय झालं, हिवाळी अधिवेशन वैगेरे गोष्टींवर आमच्यात चर्चा झाली. तसंच चहा-नाष्टा झाला असं अजिदादांनी सांगितलं. आज साहेबांचा वाढदिवस आहे, त्यांना सगळेच शुभेच्छा द्यायला  येत असतात असंही अजितदादा म्हणाले.  यशवंतराव चव्हाण साहेबांनी सुसंस्कृत राजकारण कसं करायचं हे शिकवलं आहे हे सांगायलाही अजित पवार विसरले नाहीत. पुढे त्यांनी यावेळी सांगितलं की, 14 डिसेंबरला शपथविधी होऊ शकतो.

 

हे ही वाचा >>Ajit Pawar meets Sharad Pawar Delhi : पवारांची भेट, अर्ध्या तासानंतर बाहेर, अजितदादा, भुजबळ, पटेल काय म्हणाले?

दरम्यान, अजित पवार आणि सुनील तटकरे काही वेळापूर्वीच अमित शाह यांच्या भेटीसाठी गेले आहेत. या भेटीदरम्यान नेमकी काय चर्चा होते ते पाहणं महत्लाचं असणार आहे.