Swapnil Kusale: कोल्हापूरच्या पठ्ठ्याचा नादखुळा खेळ, पॅरिसमध्ये पटकावलं ऑलिम्पिक पदक!

हे ही वाचा>> Paris Olympic 2024 : मनू भाकरने रचला इतिहास, नेमबाजीत भारताला मिळवून दिलं कांस्य पदक

पाचव्या दिवशी भारतीय खेळाडूंनी एकही पदक जिंकले नसले तरी तो दिवस भारतासाठी खूप चांगला होता. बॅडमिंटनमध्ये पीव्ही सिंधू आणि लक्ष्य सेन यांनी विजय नोंदवला आणि उपउपांत्यपूर्व फेरीत प्रवेश केला. तर भारतीय महिला स्टार बॉक्सर लोव्हलिना बोरगोहेनने उपांत्यपूर्व फेरीत प्रवेश केला आहे. नेमबाजी आणि तिरंदाजीतूनही चांगली बातमी आली आहे. 

स्वप्निलने रचला मोठा इतिहास

कोल्हापूरच्या स्वप्निल कुसाळेने ऑलिम्पिकमध्ये मोठा इतिहास रचला आहे. पुरुषांच्या 50 मीटर रायफल थ्री पोझिशन नेमबाजीत स्वप्नीलने कांस्यपदक जिंकले आहे. ऑलिम्पिकमधील 50 मीटर रायफल थ्री पोझिशन प्रकारात प्रथमच भारतीय नेमबाजाने पदक जिंकले आहे. पॅरिस ऑलिम्पिक स्पर्धेतील भारताचे हे तिसरे पदक आहे. याआधी भारताने शेवटची दोन्ही पदकं ही नेमबाजीतूनच मिळवली आहेत.

हे ही वाचा>> Paris Olympic 2024 : मनू भाकर-सरबजोत जोडीचा 'कांस्य' वेध! भारताच्या खात्यात दुसरं पदक

अंतिम फेरीत पोहचलेला स्वप्निल कुसाळे हा सुरुवातीच्या फेऱ्यांमध्ये हा क्रमवारीत खाली होता. पण नंतर मात्र, त्याने जबरदस्त पुनरागमन करत कांस्य पदाची कमाई केली.