Archit Dongre Marksheet: UPSC मध्ये महाराष्ट्रात पहिला आलेल्या पुण्याच्या अर्चित डोंगरेची मार्कशीट आणि पाहून तुम्हीही...

UPSC 2024 निकाल

UPSC ने 22 एप्रिल 2025 रोजी सिव्हिल सर्व्हिसेस परीक्षा 2024 चा अंतिम निकाल जाहीर केला. यावर्षी एकूण 5.83 लाख उमेदवारांनी प्रिलिम्स परीक्षा दिली, त्यापैकी 14,627 उमेदवारांनी मुख्य परीक्षेसाठी पात्रता मिळवली. मुख्य परीक्षा 20 ते 29 सप्टेंबर 2024 दरम्यान घेण्यात आली, तर मुलाखती 7 जानेवारी ते 17 एप्रिल 2025 दरम्यान पार पडल्या.

हे ही वाचा>> UPSC 2024: यूपीएससी परीक्षेत महाराष्ट्रात पहिला आणि देशात तिसरा आलेला आर्चित डोंगरे आहे तरी कोण?

या परीक्षेत शक्ती दुबे AIR 1, हर्षिता गोयल AIR 2 आणि अर्चित पराग डोंगरे याने AIR 3 मिळवला. यूपीएससीने 1,009 उमेदवारांना इंडियन अॅडमिनिस्ट्रेटिव्ह सर्व्हिस (IAS), इंडियन पोलीस सर्व्हिस (IPS), इंडियन फॉरेन सर्व्हिस (IFS) आणि इंडियन रेव्हेन्यू सर्व्हिस (IRS) यासारख्या सेवांसाठी शिफारस केली.

अर्चित डोंगरेची मार्कशीट पाहून तुम्हीही व्हाल आश्चर्यचकित

अर्चित डोंगरे याला UPSC परीक्षेत एकूण 51.25 टक्के मार्क मिळाले आहेत. अर्चित डोंगरेला एकूण को कुल 1038 मार्क मिळाले आहेत. अर्चितला लेखील परीक्षेत में 848 मार्क मिळाले आहेत. तर मुलाखतीत 190 मार्क मिळाले आहेत.

नाव	टक्के	लेखी परीक्षेतील गुण	मुलाखतीतील गुण	एकूण गुण
अर्चित डोंगरे	51.25 टक्के	848	190	1038

IAS ची मेरीट ही 2025 गुणांवरून ठरवली जाते. यामध्ये लेखी आणि मुख्य परीक्षा 1750 गुणांची असते, तर मुलाखत 275 गुणांची असते. अर्चित डोंगरेने 2025 पैकी 1038 गुण मिळवले आहेत आणि परीक्षेत तिसरा क्रमांक पटकावला आहे.

अर्चित डोंगरेची प्रेरणादायी कहाणी

अर्चित पराग डोंगरे हा पुण्यातील एक महत्वाकांक्षी आणि मेहनती तरुण आहे. त्याने आपल्या कठोर परिश्रम, नियोजनबद्ध अभ्यास आणि चिकाटीच्या जोरावर यूपीएससीसारख्या कठीण परीक्षेत अव्वल स्थान मिळवले. अर्चितने यापूर्वी 2023 मध्ये यूपीएससी परीक्षेत AIR 153 मिळवला होता, ज्यामुळे त्याला इंडियन पोलीस सर्व्हिस (IPS) मध्ये स्थान मिळाले होते. परंतु, आपले ध्येय अजून मोठे आहे, याची जाणीव ठेवून त्याने आपल्या कमकुवत बाजूंवर काम केले आणि 2024 मध्ये थेट तिसऱ्या क्रमांकावर झेप घेतली.

हे ही वाचा>> UPSC Archit Dongre: मराठमोळा अर्चित डोंगरेने UPSC साठी IT कंपनीतील नोकरी सोडली, अन् देशात आला तिसरा!

अर्चितने आपल्या दुसऱ्या प्रयत्नात वेळेचे व्यवस्थापन, मुख्य परीक्षा आणि मुलाखतीच्या तयारीवर विशेष लक्ष दिले. त्याच्या या यशामागे त्याची शिस्त, समर्पण आणि धोरणात्मक दृष्टिकोन महत्त्वाचा ठरला. यूपीएससीच्या माहितीनुसार, अर्चितने इंडियन फॉरेन सर्व्हिस (IFS) ही आपली प्राधान्य सेवा म्हणून निवडली आहे.

शैक्षणिक पार्श्वभूमी

अर्चितने आपले प्रारंभिक शिक्षण मुंबईत पूर्ण केले, जिथे त्याने आपल्या बुद्धिमत्तेचा आणि शैक्षणिक कौशल्यांचा पाया घातला. त्यानंतर, त्याने पुण्यात ज्युनियर कॉलेजचे शिक्षण घेतले, जिथे त्याने आपल्या भविष्यातील सिव्हिल सर्व्हिसेसच्या स्वप्नांना आकार देण्यास सुरुवात केली. अर्चितने वेल्लोर इन्स्टिट्यूट ऑफ टेक्नॉलॉजी (VIT), वेल्लोर येथून इलेक्ट्रिकल आणि इलेक्ट्रॉनिक्स इंजिनीअरिंगमध्ये बी.टेक पूर्ण केले. त्याच्या तांत्रिक पार्श्वभूमीने त्याला विश्लेषणात्मक विचार आणि समस्या सोडवण्याची क्षमता दिली, जी यूपीएससीच्या तयारीत अत्यंत उपयुक्त ठरली.

पदवी पूर्ण केल्यानंतर, अर्चितने एका आयटी कंपनीत सुमारे एक वर्ष काम केले. परंतु, त्याला सार्वजनिक सेवेची आवड होती, ज्यामुळे त्याने आपली नोकरी सोडली आणि यूपीएससीच्या तयारीवर पूर्णपणे लक्ष केंद्रित केले.

Philosophy विषयाची निवड

अर्चितने यूपीएससी मुख्य परीक्षेसाठी तत्त्वज्ञान (Philosophy) हा वैकल्पिक विषय निवडला, जो त्याच्या यशाचा एक महत्त्वाचा भाग ठरला. तत्त्वज्ञान हा विषय यूपीएससीमध्ये उच्च गुण मिळवणारा मानला जातो, कारण तो संकल्पनात्मक आणि सामान्य अध्ययनाच्या पेपर्सशी संबंधित आहे. अर्चितच्या विश्लेषणात्मक शैली आणि तत्त्वज्ञानाच्या सखोल आकलनामुळे त्याला या विषयात उत्कृष्ट कामगिरी करता आली.