LPG Price: बजेटनंतर गॅस सिलिंडरच्या दरात मोठा बदल; जाणून घ्या किती रूपयांनी वाढली किंमत?

IOCL वेबसाइटनुसार, मुंबई ते दिल्ली व्यावसायिक (कमर्शियल) गॅस सिलिंडरच्या नवीन किंमती 1 ऑगस्ट 2024 रोजी सकाळी 6 वाजल्यापासून लागू करण्यात आल्या आहेत. यामुळे आता नागरिकांच्या खिशावर याचा परिणाम होऊ शकतो.

हेही वाचा : Maharashtra Weather: राज्यात पावसाचा जोर पुन्हा वाढणार? वाचा IMD चा नवा इशारा

मुंबईसह इतर शहरांमध्ये बदल काय?

आज 1 ऑगस्टपासून एलपीजी सिलिंडर दिल्लीत 6.50 रुपयांनी, मुंबईत 7 रुपयांनी, कोलकात्यात 8.50 रुपयांनी आणि पाटणामध्ये 8 रुपयांनी महागला आहे. ही वाढ केवळ 19 किलोच्या व्यावसायिक (कमर्शियल) सिलिंडरमध्ये करण्यात आली आहे.

• मुंबईत या सिलिंडरची किंमत यापूर्वी 1597 रूपये होती पण आजपासून 7 रूपयांनी वाढून ही किंमत 1605 रूपये झाली आहे. 

• दिल्लीत कमर्शियल सिलिंडरची किंमत यापूर्वी 1646 रूपये होती पण आजपासून 6.50 रूपयांनी वाढून ही किंमत 1652.50 रूपये झाली आहे. 
• चेन्नईमध्येही एलपीजी सिलिंडरची किंमत वाढली आहे. आजपासून येथे1809.50 रुपयांना मिळणारा व्यावसायिक सिलिंडर आता 1817 रुपयांना मिळत आहे.
• कोलकात्यामध्ये गॅस सिलेंडरची किंमत 8.50 रुपयांनी वाढली आहे. यापूर्वी 1756 रुपयांना मिळणारा सिलिंडर आता 1764.50 रुपयांना मिळणार आहे. 

हेही वाचा : शिंदे सरकारची आणखी एक योजना, आता मुलींना नेमकं काय मिळणार मोफत?

घरगुती LPG सिलिंडरच्या किंमतीत कोणता बदल?

घरगुती एलपीजी गॅस सिलिंडरच्या किंमतीत कोणतही बदल करण्यात आलेला नाही. 9 मार्च 2024 रोजी गॅस सिलेंडरच्या किंमतीत शेवटचा बदल करण्यात आला. घरगुती गॅस सिलेंडरची किंमत 100 रुपयांनी कमी करण्यात आली होती. मुंबईत 802.50 रुपयांना तर, दिल्लीमध्ये 803 रुपयांना घरगुती गॅस सिलिंडर मिळत आहे.