Video : बाथरूमपेक्षाही लहान खोली, 500 रूपये घरभाडे... डिलिव्हरी बॉयचा संघर्ष पाहून डोळ्यात येईल पाणी

मुंबईला स्वप्ननगरी म्हटले जाते, यासाठी अनेकजण आपल्या स्वप्नांना पूर्ण करण्यासाठी मुंबई गाठतात. मात्र मुंबईत आल्यावर अनेकांना खूप संघर्ष करावा लागतो. राहण्या खाण्याची पंचाईत होते.मात्र तरीही आपल्या स्वप्नांसाठी अनेकजण हा संघर्ष करत; असतो. आता एका झोमॅटो डिलिव्हरी बॉयने इंस्टाग्रामवर एक व्हिडिओ अपलोड केला आहे. ज्यामध्ये त्याने मुंबईतला त्याचा अनुभव शेअर केला आहे.

हे ही वाचा : Ladki Bahin Yojana : 'लाडक्या बहिणीं'साठी सरकार 46 हजार कोटी आणणार कुठून?

व्हिडिओतला हा मुलगा ईशान्येचा रहिवासी असून त्याचे नाव प्रंजॉय बोरगोयरी आहे. तो कामाच्या शोधात मुंबईत आला होता. त्याची सध्या परिस्थिती अशी आहे की, तो आता अनेक रूम पार्टनर्ससह मोठ्या अडचणीत आपले जीवन जगत आहे. व्हिडिओमध्ये तो त्याच्या खोलीकडे जाणारी अरुंद गल्ली दाखवतो आणि त्याच्या खोलीला जोडलेला जिना दाखवतो.

प्रंजॉय पुढे सांगतो की, तो 500 रुपये भाड्यावर या घरात राहतो. व्हिडिओत तुम्ही डिलिव्हरी बॉयच्या एका मित्राला पाहू शकतात, ज्याला तो सोनू भाई म्हणतो, जो पायऱ्या चढून खोलीत जातो. यानंतर काम करणारा मुलगा त्याच्या इतर रूममेट्सना आणि त्यांचे सामान घरात पडलेले दाखवतो. तसेच पुढे ही लोकं व्हिडीओमध्ये 50 रुपयांना विकत घेतलेल्या बिर्याणीचे पॅकेट खाताना दिसत आहेत

 झोमॅटोच्या डिलिव्हरी बॉयने सांगितलं की त्याला अनेक आरोग्यविषयक आजार आहेत आणि त्याच्या उपचारासाठी त्याच्या कुटुंबाला खूप पैसे गमवावे लागले. या कारणास्तव, तो त्याच्या कुटुंबाकडून आणखी पैसे घेऊ शकत नाही आणि त्याला असा संघर्ष करावा लागतो. या कठीण परिस्थितीतही, त्याला जगण्याची प्रेरणा वाटते, तसेच तो म्हणतो की तो त्याच्या गाणं इंस्टाग्रामवर अपलोड करत राहील. 

हे ही वाचा : Guru Waghmare: 'स्पा'मध्ये हत्या, 'चुलबुल'नं मांडीवर 22 नावं का गोंदवलेली? चक्रावून टाकणारी Inside स्टोरी

 दरम्यान हा व्हिडीओ आतापर्यंत लाखो लोकांनी पाहिला आहे.या व्हिडिओवर लाईक्स आणि कमेंटचा पाऊस पडतोय.