Akanksha dubey : मृत्यूपूर्वी समोर आला व्हिडीओ, संशयाची सुई प्रियकरावर?

आकांक्षाच्या मृत्यूला जबाबदार कोण?

आकांक्षाच्या आईने आपल्या मुलीच्या मृत्यूसाठी समर सिंह आणि त्याचा भाऊ संजय सिंह यांना जबाबदार धरले. त्याचवेळी दोघांनी आकांक्षाचे पैसे रोखल्याचा आरोप करण्यात आला. मधूने हत्येमागचे कारण सांगितले की, दोघांनी आकांक्षा दुबेच्या कामाच्या बदल्यात करोडो रुपये दिले नाहीत आणि तिला जीवे मारण्याची धमकीही दिली होती. आकांक्षाच्या आईचे म्हणणे आहे की समर आणि संजयने तिला पैसे द्यायचे नसल्याने तिची हत्या केली.

भोजपुरी चित्रपटसृष्टीत झपाट्याने उंची गाठणारी आणि खूप नाव कमावणारी अभिनेत्री आकांक्षा दुबे हिचा वाराणसीच्या सारनाथ पोलीस स्टेशन हद्दीतील हॉटेल सोमेंद्र रेसिडेन्सीमधील रुम नंबर 105 मध्ये लटकलेला मृतदेह आढळून आला. आकांक्षा हिचा मृतदेह तिच्या खोलीत पंख्याला लटकलेल्या अवस्थेत आढळून आला. सुरुवातीपासून पोलीस या प्रकरणाचा आत्महत्येचा तपास करत होते, मात्र आज या हायप्रोफाईल प्रकरणात नवा ट्विस्ट आला आहे. मुंबईहून परतलेल्या आकांक्षा दुबेची आई मधू दुबे यांनी ही आत्महत्या म्हणून स्वीकारण्यास नकार दिला आणि या हत्येचा ठपका भोजपुरी इंडस्ट्रीतील प्रसिद्ध गायक समर सिंग आणि त्याचा भाऊ संजय सिंग यांच्यावर ठेवला.

Akanksha Dubey आत्महत्या प्रकरणात नवा ट्वि्स्ट, दिग्गज अभिनेत्यावर हत्येचा आरोप

कोट्यवधी रुपये दिले नाहीत

मधु दुबे यांनी सांगितले की, गेल्या 3 वर्षांपासून त्यांची मुलगी भोजपुरी गायक समर सिंह यांच्या संपर्कात होती. यादरम्यान समर सिंह यांनी तिला खूप काम करायला लावले आणि जिथे प्रत्येक म्युझिक अल्बमसाठी 70000 रुपये दिले जातात, तिथे 3 वर्षे काम करूनही त्यांनी एक रुपयाही दिला नाही. अशा प्रकारे समर सिंह याच्याकडे आकांक्षाचे सुमारे दोन ते तीन कोटी रुपये थकीत झाले. याबाबत समरचा भाऊ संजय सिंह याने 21 मार्च रोजी बस्ती येथे शूटिंगदरम्यान आकांक्षाला धमकीही दिली होती. कारण आकांक्षाने तिच्या नवीन विकत घेतलेल्या कारच्या स्टेटसवर कमेंट केली होती की , दुसऱ्यांच्या पैशावर मजा करतात. यानंतर संजय सिंहनेही फोन करून आकांक्षाला गायब करण्याची धमकी दिली होती, असं तिच्या आईने सांगितलं.

समर सिंह ने धमकी दिली होती

आकांक्षा दुबेची आई मधु हिने सांगितले की, आकांक्षाने तिला त्याच दिवशी फोनवर धमकीबद्दल सांगितले होते. मधूने समर सिंह आणि आकांक्षा यांच्यात कोणत्याही प्रकारचे संबंध असल्याचा इन्कार केला आहे. दोघांमध्ये पती-पत्नी किंवा लिव्ह-इनसारखे कोणतेही नाते नसल्याचे त्यांनी सांगितले. मधूने सांगितले की समर सिंहने तिच्या मुलीशी लग्न करण्याची इच्छा व्यक्त केली होती पण तिने नकार दिला. मधुने स्पष्टपणे आरोप केला की, तिच्या मुलीची हत्या झाली आहे, तिने आत्महत्या केली नाही. त्यामुळे समर सिंह आणि त्याचा भाऊ संजय सिंह यांना अटक होईपर्यंत ती आपल्या मुलीवर अंत्यसंस्कार करणार नाही. समर सिंह आकांक्षाला दुसऱ्यासोबत काम करण्यापासून रोखत असे, असेही त्यांनी सांगितले.

अभिनेत्री आकांक्षा दुबेची हत्या की आत्महत्या? आईच्या आरोपाने खळबळ

कोण आहे समरसिंह?

समर सिंग हा भोजपुरी चित्रपटसृष्टीतील प्रसिद्ध गायक आणि अभिनेता आहेत. त्याची गाणी अनेकदा सुपरहिट झाली आहेत. त्याने अनेक हिट चित्रपटही दिले आहेत. सूत्रांच्या मते, अभिनेता आकांक्षासोबत बर्याच काळापासून रिलेशनशिपमध्ये होता. समरचा राजकारणाशीही संबंध आहे. आकांक्षाने तिच्या इंस्टाग्राम प्रोफाइलवर समरसोबतचे अनेक रील आणि फोटो शेअर केले आहेत. समरने अलीकडेच तिच्या अकाऊंटवर अभिनेत्रीचा फोटो शेअर करून तिच्या निधनाबद्दल शोक व्यक्त केला होता. या पोस्टवर लोकांनी आकांक्षाच्या मृत्यूसाठी समरला जबाबदार धरले.