अश्लील डान्स अन्... पोलिसांनी एंट्री मारली तेव्हा 'त्या' डान्स बारमध्ये काय होतं सुरू?

नेमकं प्रकरण काय?

रेस्टॉरंटमधील बेकायदेशीर कारवायांची माहिती मिळाल्याचे यावेळी पोलिसांनी सांगितले. यानंतर रविवारी मध्यरात्री डीसीपी लोहित मतानी यांच्या नेतृत्वाखाली पोलिसांच्या पथकाने 'एस बार आणि रेस्टॉरंट'वर छापा टाकला.

हे ही वाचा>> LIC Sakhi Yojana Online Registration: महिलांना दरमहा पैसे मिळणार, अशी करा ऑनलाइन नोंदणी

पोलिसांनी सांगितले की, रेस्टॉरंटमध्ये प्रवेश करताच अधिकाऱ्यांना एक महिला गाणे गाताना आणि अनेक मुली अश्लील नृत्य करताना दिसल्या. यावेळी तेथे बसलेले ग्राहक हे नाचणाऱ्या महिलांवर नोटांचा वर्षाव करत होते. बारमालक जय बलदेव हिराणी (४२), व्यवस्थापक राजू लालचंद झांबा (५९), रोखपाल देवेंद्र रामकृष्ण शेंडे (३८) आणि १८ ग्राहकांविरुद्ध हिंगणा पोलीस ठाण्यात गुन्हा दाखल करण्यात आला आहे, असे एका अधिकाऱ्याने सांगितले.

नागपूरमधील अशा प्रकारची ही पहिलीच घटना नाही. या वर्षी मे महिन्यात मध्य प्रदेशातील बैतुल येथील एका रिसॉर्टमध्ये अनैतिक कृत्यांची तक्रार पोलिसांना मिळाली होती. माहितीवरून पोलिसांनी रिसॉर्टवर छापा टाकला.

हे ही वाचा>> Durgadi Fort वर मशीद नाही मंदिरच, 48 वर्षांनंतर कोर्टाचा निकाल.. वक्फची मागणीही फेटाळली!

याठिकाणी डान्स पार्टी सुरू असून मोठ्या प्रमाणात अवैध दारू जप्त करण्यात आली होती. मध्यप्रदेश-महाराष्ट्राच्या सीमेवर असलेल्या रिसॉर्टमध्ये सापडलेल्या 45 जणांवर पोलिसांनी कारवाई केली असून त्यात 11 महिला बार डान्सर्सचा समावेश आहे.