'सासूने जावयावर जादू केली अन्, त्याला आपल्या...' आता समोर आली भलतीच माहिती

पोलिसांचे लक्ष आता मेहुण्याकडे

मडराक पोलिसांनी रविवारी उत्तराखंडमधील रुद्रपूर येथील रहिवासी असलेल्या आरोपी तरुणाच्या वडीलांना, मेहुण्याला आणि कुटुंबातील इतर सदस्यांना चौकशीसाठी बोलावले. त्यामधील, राहुलचा मेहुणा हा आता पोलिसांच्या रडारवर आहे. याचं कारण म्हणजे सुरुवातीला दोघांची माहिती उत्तराखंडमध्ये मिळाली होती. संध्याकाळी उशिरापर्यंत त्यांची ही चौकशी सुरू होती. डीएसपी महेश कुमार यांच्या मते, तपास आणि शोध अजूनही सुरू आहे. मात्र, अद्याप दोघेही हाती लागलेले नाहीत.

हे ही वाचा: नातेवाईकानंच घात केला! विश्वास ठेवून सोबत पाठवलं, पण नराधमानं मुलीवर अत्याचार करुन संपवलं

संपत्तीमधून मुलाला बेदखल करण्याचा निर्णय 

"मुलाच्या अशा वागण्यामुळे परिसरात आणि समाजात आमच्या प्रतिष्ठेला बट्टा लागला" असे राहुलच्या वडिलांचे म्हणणे आहे. त्यामुळे राहुलच्या वडिलांच्या मते, त्यांच्या मुलाला आता घरात स्थान नाही. यासोबतच त्याला त्यांच्या संपत्तीमधून बेदखल करणार असल्याचंही त्यांनी म्हटलं आहे. तसेच, राहुलने घरातून काही दागिने आणि पैसेसुद्धा नेले आहेत. तर, पोलिसांनी त्याचा शोध घेऊन ते परत करण्यास राहुलच्या वडिलांनी पोलिसांना सांगितलं आहे.

हे ही वाचा: गुंड घायवळला नडणाऱ्या पैलवानाची क्राईम हिस्ट्री, समोर आलेल्या दुसऱ्या व्हिडीओत काय?

होणाऱ्या जावयाने महिलेच्या पतीला धमकावले

सासू आणि होणार्‍या जावयाच्या या प्रेमकथेबाबत दररोज नवीन खुलासे होत आहेत. शनिवारी जेव्हा मीडिया कर्मचारी त्यांच्या निवासस्थानी पोहोचले तेव्हा महिलेच्या पतीने सांगितले की, त्याने रात्री 10 वाजताच्या सुमारास त्याच्या होणार्‍या जावयाला फोन केला. सुरुवातीला तो टाळाटाळ करत राहिला. पण जेव्हा संशय वाढला आणि त्याच्यावर दबाव आणला तेव्हा त्याने महिलेच्या पतीला धमकी दिली आणि म्हटले की, "तू तुझ्या लग्नाच्या 20 वर्षात तुझ्या पत्नीला खूप त्रास दिला आहेस. आता विसरून जा. नाहीतर मी तुझे घर उध्वस्त करीन." यानंतर फोन डिस्कनेक्ट झाला.

तेव्हापासून काहीच बोलणं झालं नाही. आता पोलीस आरोपी तरुणाचा शोध घेण्यात व्यस्त आहेत. लवकरात लवकर पळून गेलेल्या महिलेचा आणि तरुणाचा शोध घेऊन त्यांच्याकडील दागिने आणि पैसे परत मिळविण्याची मागणी पोलिसांकडे केली जात आहे.