Baba Siddique : बाबा सिद्दीकींच्या हत्येसाठी युपी मॉडेल का राबवला? Inside Story

Baba Siddique Case Update : राष्ट्रवादीचे नेते बाबा सिद्दीकी यांच्या हत्याकांडात नवनवीन खुलासे समोर येत आहेत. या हत्याकांडात पुण्यातील लोणकर बंधूंची नावे समोर आली आहेत. याच लोणकर बंधूंनी सिद्दीकीची हत्या करण्यासाठी शूटर नेमले होते. मात्र हे शूटर त्यांना मुंबई किंवा महाराष्ट्रातून मिळाले असते. मग त्यांनी युपीतूनच शूटर का मागवले? यामागचे नेमकं कारण काय होतं? हे जाणून घेऊयात. (baba siddiqui case update why shooter hire from uttar pradesh pune lonkar brother lawrence bishnoi gang) 
 
 बाबा सिद्दीकी हत्याकांड प्रकरणात अटकेत असलेल्या अनेक आरोपींची सध्या पोलिसांकडून चौकशी सुरू आहे. या चौकशीत बाबा सिद्दीकी हत्या प्रकरणातील आरोपींनी अनेक धक्कादायक खुलासे केले आहेत. सूत्रांनी दिलेल्या माहितीनुसार, अटक करण्यात आलेल्या आरोपींपैकी एकाने सांगितले की, त्याला बाबा सिद्दीकी कोण आहे आणि त्याच्या हत्येनंतर कोणत्या प्रकारची प्रतिक्रिया उमटतील हे चांगले ठाऊक होते. त्यामुळेच आरोपींनी शुभम लोणकर याच्याकडे एक कोटी रुपयांची सुपारी मागितली होती. पण शूभम लोणकरने ही रक्कम जास्त असल्याचे सांगत प्लॅन बदलला होता.