‘तो’ Video पाहिला, 700 किमी प्रवास करत आला अन् घटस्फोट घेतलेल्या बायकोला…

तिने स्वतःचे यूट्यूब चॅनल आणि इंस्टाग्राम पेज सुरू केले होते. टिकटॉकवर तिला 20 हजारांहून अधिक लोक फॉलो करायचे. पण वयाच्या 29व्या वर्षी ही तरुणी इतक्या लवकर जगाचा निरोप घेईल, याचा कुणी विचारही केला नव्हता.

वास्तविक, 18 जुलै 2022 रोजी सानियाची पती राहिल अहमदने गोळ्या झाडून हत्या केली होती. त्यानंतर स्वतःवर गोळी झाडून आत्महत्या केली होती. अखेर दोघांमध्ये असे काय घडले की पतीनेच पत्नीची हत्या करून आत्महत्या केली. जाणून घेऊया सविस्तर…

सानिया जे काम करायची ते साहिलला नव्हतं आवडत

न्यूयॉर्क पोस्टच्या वृत्तानुसार, लग्नानंतर दोघांमध्ये सर्व काही ठीक चालले होते. या लग्नामुळे दोघांचे कुटुंबीयही खूप खुश होते. पण सानियाने बाहेर जाऊन सोशल मीडियावर व्हिडिओ पोस्ट करण्याला पतीचा विरोध होता. त्याला सानियाच्या फोटोग्राफीबाबत आक्षेप होता. खरं तर, ती अनेकदा लग्नासारख्या प्रसंगी लोकांसाठी फोटोग्राफी करत असे आणि हा तिचा व्यवसायही होता.

राहिलला लग्नाआधी सानियाच्या या कामाची कोणतीही अडचण नव्हती. मात्र लग्नानंतर तो तिला अनेकदा हे काम सोडण्यास सांगत असे. पण सानियालाही ते सोडायचं नव्हतं. त्यामुळे या कारणावरून दोघांमध्ये अनेकदा भांडणे होत होती. राहिलने सानियाला इतका त्रास द्यायला सुरुवात केली होती की आनंदी स्वभावाची सानिया एक प्रकारे डिप्रेशनमध्ये गेली होती.

हे ही वाचा >> क्रिकेट सामन्यात हत्याकांड! क्लीन बोल्ड केलं म्हणून गोलंदाजाचा घेतला जीव

ती ना कुणा मैत्रिणीशी बोलायची ना कुणा नातेवाईकाशी. ती फक्त स्वतःमध्येच हरवली होती. तरीही तिने फोटोग्राफी सोडली नाही किंवा सोशल मीडियावर व्हिडिओ पोस्ट करणेही सोडले नाही. बीबीसीच्या म्हणण्यानुसार, जेव्हा तिची सहनशक्ती संपली तेव्हा तिने राहिलकडून मे 2022 मध्ये घटस्फोट घेतला.

‘तो’ व्हिडीओ अन् सानियाने गमावला जीव

मात्र घटस्फोटानंतर सानियाने जून 2022 मध्ये सोशल मीडियावर पोस्ट लिहायला सुरुवात केली आणि टिकटॉकच्या माध्यमातून तिच्या समस्याही लोकांसमोर ठेवल्या. सानिया खानच्या एका पोस्टनुसार, तिचे लग्न एका वर्षापेक्षा कमी काळ टिकले आणि तिच्या पतीने तिला ट्रिपल तलाक दिला होता.

सानिया खानने सोशल मीडियावर पोस्ट केलेल्या व्हिडीओमध्ये लिहिले होते की, ‘घटस्फोटातून जात असलेल्या एका दक्षिण आशियाई महिलेला असे वाटते की, तुम्ही आयुष्यात कधी-कधी अपयशी ठरलात.’ दुसरीकडे जॉर्जियामध्ये राहत असणाऱ्या राहिलला हे पाहून राग आला. यामुळेच त्याने सानियाला मारण्याचा कट रचला.

तो जॉर्जियापासून 700 किमी दूर असलेल्या स्ट्रीटविले (इलिनॉइस) येथे आला, जिथे सानिया त्यावेळी राहत होती. त्यानंतर तो सानियाच्या घरी गेला. दोघांमध्ये थोडासा संवाद झाला. त्यानंतर राहिलने आपल्याजवळ ठेवलेले पिस्तूलने सानियावर गोळीबार केला. त्यानंतर स्वत:वरही गोळी झाडली. घटनास्थळी पोहोचल्यानंतर पोलिसांना एक महिला रक्ताच्या थारोळ्यात पडलेली आणि वेदनेने आक्रोश करताना आढळली.

सानियाच्या डोक्यात गोळी लागल्याचे पोलिसांना आढळून आले आणि काही वेळाने तिचा मृत्यू झाला. या घरात एक व्यक्ती देखील रक्ताच्या थारोळ्यात सापडला, तो राहिल होता. पोलिसांनी त्याला तात्काळ नॉर्थवेस्टर्न हॉस्पिटलमध्ये दाखल केले, मात्र उपचारादरम्यान त्याचाही मृत्यू झाला.

घटस्फोटानंतरही राहिलला त्रास व्हायचा

पोलिसांनी दोघांच्या नातेवाईकांना माहिती दिली. तसेच या घटनेमागील सत्य काय आहे याचा तपासही तातडीने सुरू केला. सानियाच्या मैत्रिणी आणि नातेवाईकांना समजले की, सानिया आपल्या पतीवर खूप नाराज होती. घटस्फोटानंतरही राहिल तिला त्रास देत होता.

हे ही वाचा >> ‘देवेंद्र फडणवीस सध्या ‘नावडाबाई’ झालेत…’, उद्धव ठाकरेंनी काढली खपली!

राहिल सानियाला तिच्या सोशल मीडियावरील पोस्टबद्दल धमकावत असे. यानंतर पोलिसांनी सानियाचे सोशल मीडिया अकाऊंट शोधले असता संपूर्ण प्रकार स्पष्ट झाला.

मृत्यूनंतरही सानियाची एक पोस्ट सोशल मीडियावर चांगलीच व्हायरल झाली होती. तिने पोस्टमध्ये लिहिलं होतं की, ‘तुम्ही ज्याच्यावर प्रेम करता त्याच्यापासून वेगळे होणे वेदनादायक आहे. पण त्याहूनही जास्त त्रास होतो जेव्हा तुम्ही एखाद्यावर प्रेम करता जो तुमच्यासाठी निष्काळजी असतो.” सोशल मीडियावर लिहिलेले असेच काही शब्द सानिया खानसाठी तिच्या आयुष्यातील शेवटची पोस्ट ठरली.