पोलिसांना (Police) सकाळी 7.20 च्या सुमारास घटनेची माहिती मिळाली होती. त्यानुसार पोलिसांनी घटनास्थळ गाठलं होते. या घटनेत घराच्या ग्राऊंड़ फ्लोर राहत असलेल्या वृ्द्ध दाम्पत्याचा मृतदेह सापडला होता. घरात चोरी करून आरोपींनी वृ्द्ध दाम्पत्याची (Old Couple) हत्या करत पळ काढला होता. राधे श्माम (72) आणि पत्नी वीणा (68) असे या मृत व्यक्तींची नावे होती. पोलिसांना सुरूवातील चोरीच्या उद्देशाने हत्या केल्याचा संशय होता. मात्र पुढे तपासात वेगळाच प्रकार समोर आला.

हे ही वाचा : आरोपीच्या घरी गेलेल्या पोलिसांसमोरच महिलांनी उतरवले कपडे

वृ्द्ध दाम्पत्याच्याच (Old Couple) वरच्या माळ्यावर मुलाचे कुटूंब राहत होते. 38 वर्षीय रवी रत्न, पत्नी मोनिका आणि 6 वर्षाचा मुलगा पहिल्या माळ्यावर राहत होते.या घटनेतून ते सुखरूप बचावले होते. त्यामुळे पोलिसांनी घरातीलच व्यक्तीवर संशय बळावला होता. पोलिसांनी कसून तपास केला असता या घटनेत प्रॉपर्टीच्या वादातून हत्या केल्याची प्राथमिक माहिती समोर आली होती. त्यानुसार पोलिसांनी मृत दाम्पत्याच्या मुलाची आणि सुनेची चौकशी केली होती. या चौकशीत पोलिसांचा सुनेवर संशय बळावला होता.

सुनेनेच रचला डाव

सुनेला पोलीसी खाक्या दाखवताच तिने संपुर्ण घटनेची माहिती दिली. सुनेने ही संपुर्ण हत्याकांड घडवून आणले आहे. पोलिसांनी दिलेल्या माहितीनुसार, सासू सासऱ्यांची हत्या करण्यासाठी मोनिकाने दोन माणसांना बाहेरून बोलावले होते. यामधून एक मोनिकाचा बॉयफ्रेंड होता. ही दोनही माणसे घराच्या छतावरच रात्री येऊन लपली होती. त्यानंतर रात्री आरोपींनी सासू सासऱ्यांची हत्या केली. प्रॉपर्टीच्या वादातून ही हत्या करण्यात आली होती. तसेच प्रॉपर्टीच्या वादातून ही हत्या वाटू नये यासाठी घरात चोरी करण्यात आली होती.

हे ही वाचा : नवी गर्लफ्रेंड सोबत असतानाच समोर आली जुनी प्रेयसी, मग काय..

दरम्यान पोलिसांनी या प्रकरणात आरोपी सुनेला ताब्यात घेतले आहे. तसेच या प्रकरणातील इतर आरोपींचा शोध सुरु आहे. दिल्लीच्या गोकुलपुरी परीसरात ही घटना घडलीय. ही घटना उघडकीस आल्यानंतर संपूर्ण शहर हादरलं आहे.