Dombivli VIDEO: चेष्टा सुरू असतानाच गेला जीव, तरुणाचा हात लागला अन् महिला एका झटक्यात...

महिलेसोबत नेमकं घडलं तरी काय?

डोंबिवली पूर्वेतील विकास नाका परिसरात ग्लोब स्टेट नावाची इमारत आहे. या इमारतीमधील एका कार्यालयात गुडियादेवी मनीष कुमार ही महिला साफसफाईचे काम करत होती. ती डोंबिवली पूर्वेतील पिसवली परिसरात राहत होती. तिला एक मुलगा आणि एक मुलगी आहे.

हे ही वाचा>> Vasai Murder: डोक्यात 15 वार, 30 सेकंदात खेळ खल्लास! Inside Story

आज इमारतीच्या तिसऱ्या मजल्यावर गुडियादेवी ही तिच्या सहकाऱ्यांसोबत बसली होती. ते दोघेही इमारतीच्या तिसऱ्या मजल्यावर होते. पण ते जिथे बसले होते तिथे जिन्याचा कठडा हा छोटा होता. दोघेही त्या ठिकाणी बसलेले असताना त्यांच्यामध्ये चेष्टा-मस्करी सुरू झाली. गुडियादेवी सोबत बंटी नावाच्या सहकारी हा मस्ती करीत होता. 

पण त्याचवेळीत थट्टा मस्करीमध्ये बटीचा हात गुडियादेवीला लागला. त्यामुळे गुडियादेवी हिचा चटकन तोल गेला आणि ती पाठमोरी थेट तिसऱ्या मजल्यावरून खाली पडली. ज्यामध्ये गुडियादेवीचा दुर्दैवीरित्या मृत्यू झाला. तर गुडियादेवी सोबत मस्ती करणारा बंटीचा देखील तोल गेला आणि तोही खाली कोसळला. पण इमारतीमधील इतर लोकांनी त्याला पकडल्याने त्याचा जीव कसाबसा वाचला.

हे ही वाचा>> Crime News: सून आंघोळ करताना सासरा शूट करायचा Video, अन् नंतर...

पोलिसांनी दिलेल्या माहितीनुसार या प्रकरणाची माहिती मिळताच मानपाडा पोलीस घटनास्थळी दाखल झाले. या प्रकरणी मानपाडा पोलिसांनी पुढील तपास सुरु केला आहे. आत्ता पोलिसांनी या प्रकरणात गुडियादेवी हिच्यासोबत असणाऱ्या बंटी विरोधात सदोष मनुष्यवधाचा गुन्हा दाखल केला असून त्याला अटक केली आहे.