Viral Video: पत्नी, मुलीशी बोलला अन्... इंजिनिअरने थेट अटल सेतूवरून मारली समुद्रात उडी

दरम्यान अद्यापही श्रीनिवासन याचा मृतदेह सापडला नसल्याची माहिती पोलिसांनी दिली आहे. स्थानिक मच्छीमारांसह पोलीस हे श्रीनिवासन याचा शोध घेत आहेत. श्रीनिवास बुधवारी 11.30 वाजण्याच्या सुमारास घरातून बाहेर पडला होता. वाटेत त्याने पत्नी आणि चार वर्षांच्या मुलीशी फोनवरुन बोलणंही केलं होतं. मात्र तो आत्महत्या करणार आहे याची कोणालाच कल्पना नव्हती.

हे ही वाचा>> Nagpur : दोघं OYO मध्ये गेले अन् नग्नावस्थेतच तो आला बाहेर, नागपुरात काय घडलं? 

श्रीनिवासन यांच्या कुटुंबीयांचे म्हणणे आहे की, त्यांची आर्थिक परिस्थिती अत्यंत बिकट होती. 2023 मध्ये कुवेतमध्ये काम करत असताना त्याने फिनाइल पिऊन  आत्महत्येचा प्रयत्न केला होता. मात्र, कालच्या घटनेनंतर श्रीनिवासच्या कुटुंबीयांची अवस्था अत्यंत बिकट झाली असून त्यांच्यावर दु:खाचा डोंगर कोसळला आहे. श्रीनिवासला शोधण्यासाठी मासेमारी नौका आणि सागरी सुरक्षा रक्षकांची मदत घेतली जात आहे. मात्र, खराब हवामानामुळे शोधकार्यात अडथळे येत आहेत.

हे ही वाचा>> Pune Crime : तिहेरी हत्याकांडाने पुणे हादरलं! गर्भवती प्रेयसीचा मृत्यू, नंतर दोन मुलांना जिवंत फेकलं नदीत

अटल पुलावरून मारली थेट खोल समुद्रात उडी 

दरम्यान, या घटनेचा सीसीटीव्हीही समोर आल्याने एकच खळबळ माजली आहे, सीसीटीव्हीमध्ये स्पष्टपणे दिसतंय की, श्रीनिवास आपल्या टाटा नेक्सॉन कारमधून अटल सेतूवर येतो आणि पुलाच्या रेलिंगवर चढून थेट खोल समुद्रात उडी मारतो. पोलिसांनी दिलेल्या माहितीनुसार, श्रीनिवासन कुरुतुरी हा डोंबिवली येथील रहिवासी होता. तो 8 महिन्यांपूर्वी कुवेतहून घरी आला होता. त्याने मुंबईत व्यवसाय सुरू केला होता.

अद्यापही सापडला नाही मृतदेह

पाऊस आणि समुद्राला आलेली भरती यामुळे शोध मोहिमेत अडचणी येत असल्याचे पोलिसांनी सांगितले. अटल सेतूवरून उडी मारून आत्महत्या करण्याची ही दुसरी घटना आहे. याआधी 20 मार्च रोजी एका महिला डॉक्टरने येथून उडी मारून आत्महत्या केली होती.