होम
विधानसभा 2024
राजकीय आखाडा
गुन्ह्यांची दुनिया
शहर-खबरबात
नॉलेज
बातम्या
स्पोर्ट्स
मनोरंजन
टॉपिक
Digital Fraud : सध्याचं जग डिजिटल युग असल्याचे बोलले जाते. त्याच डिजिटल तंत्रज्ञानाचा (Digital Technology) वापर करुन अनेक घोटाळे झाल्याचेही उघडकीस आले आहे. डिजिटल विश्वात तंत्रज्ञानाचा वापर करुन अनेकांना गंडा घालणाऱ्या 12 जणांच्या टोळीला मुंबई पोलिसांनी (Mumbai police) अटक केली आहे. ही टोळी बनावट कागदपत्रांच्या (Duplicate Documents) मदतीने बँक आणि वित्तीय संस्थांची मोठी फसवणूक करत होती. ही टोळी बँकेकडून क्रेडिट कार्ड (Credit card) घेऊन त्यावर गृहकर्जही (home loan) घेत होती. या प्रकारचे अनेक घोटाळे त्यांनी केले असून त्याचा पर्दाफाश मुंबई पोलिसांनी केला आहे.
ADVERTISEMENT
क्रेडिट कार्डचा घोटाळा
पोलिसांनी या प्रकरणाचा तपास करताना सांगितले की, ही टोळी लोकांशी संपर्क साधत होती. त्यांच्याकडून त्याची कागदपत्रे घेऊन वेगवेगळ्या बँकेतून त्यांनी 200 पेक्षा जास्त क्रेडिट कार्ड जमा केली होती. ही माहिती पोलिसांना मिळताच क्राईम ब्रँचच्या युनिट 3 कडून मुंबईतील भांडूप, मुलुंड, कुर्ला आणि वडाळा परिसरात धाडी टाकून या टोळीला ताब्यात घेतले आहे.
हे ही वाचा >> Newsclick Raid : पत्रकारांच्या घरावर धाडी, मोबाईल-लॅपटॉप जप्त, प्रकरण काय?
सगळं काही बनावट
पोलिसांनी त्यांच्यावर धाड टाकताच त्यांच्याकडून बनावट आयटी रिटर्न, टीडीएस फॉर्म, वीजबिल, विविध कंपन्यांचे शिक्के, चार्टर्ड अकाउंटंट (सीए) स्टॅम्प, 10 स्वाइप मशीन, 56 सिम, पॅनकार्ड, आधारकार्ड, 14 मोबाईल फोन आणि 60 हजार रुपयांची रोकडही ताब्यात घेतली आहे.
निव्वळ अश्वासनं
या प्रकरणातील फसवणूक झालेल्यांनी सांगितले की, टोळीच्या सदस्यांनी तिची फसवणूक करुन त्यांना गृहकर्ज आणि क्रेडिट कार्ड देण्याचे अश्वासन देण्यात आले होते. त्यांची बनावट कागदपत्रं बनवून त्यांना क्रेडिट कार्ड आणि होम लोन देण्यासाठी त्यांच्याकडून 4.50 लाख रुपये घेतले होते, मात्र त्यांना देण्यात आलेले कोणतेही अश्वासन पूर्ण करण्यात आले नाही.
हे ही वाचा >> Nanded Hospital मध्ये मृत्यूचे थैमान! पुन्हा 4 बालकांसह 7 रुग्णांचा मृत्यू
टोळीचा पर्दाफाश
या प्रकरणात फसवणूक झालेल्यांच्या तक्रारीनुसार आग्रीपाडा पोलिसात गुन्हा दाखल करण्यात आला आहे. गुन्हा दाखल झाल्यानंतर तपास करताना अनेक प्रकरणे आता उघडकीस येत आहेत. त्यामुळे अशा प्रकारची फसवणूक करणाऱ्या टोळीचा पर्दाफाश पोलिसांनी केला आहे.
गंडा घालण्यासाठी तयारी
या टोळीने अनेकांना गंडा घालण्यासाठी दुकान आणि फ्लॅटही भाड्याने घेतला होता. ज्या ज्या लोकांनी क्रेडिट कार्ड आणि गृहकर्जाची मागणी करणाऱ्या नागरिकांची कागदपत्रंही त्यांच्याकडून आढळून आली आहेत. त्या कागदपत्रांच्या सहाय्यानेच ही टोळी सिमकार्ड घेऊन बँक आणि वित्तीय संस्थांकडे कर्जासाठी अर्ज करत होते. या प्रकरणी ताब्यात घेतलेल्या महिला कर्मचारी असल्याचे दाखवत होत्या. त्यांच्याकडून अर्जदारांची फसवणूक केली जात असल्याचे उघड झाले आहे.
हे ही वाचा >> मराठा आरक्षणाचा मुद्दा पेटलेला असतानाच भाजपने ‘ओबीसी जागर यात्रा’ का काढली?
आरोपींना पोलीस कोठडी
या टोळीला क्रेडिट कार्ड मिळाल्यानंतर ते कार्ड स्वाईप करुन लाखोंचे व्यवहार त्यांच्याकडून केले जात होते. याप्रकरणी तीन आरोपींना पोलिसांनी ताब्यात घेतले असून त्यामध्ये आरोपी प्रदीप मौर्य, भावेश शिरसाट आणि एका महिलेला याप्रकरणी पोलिसांनी ताब्यात घेतले आहे. आरोपींना न्यायालयात हजर केले असता त्यांना 3 ऑक्टोबरपर्यंत पोलीस कोठडी सुनावण्यात आली आहे.
ADVERTISEMENT
