Thane Jewellery Shop Robbery : ठाण्यात मध्यरात्री भला मोठा दरोडा, कोट्यवधींचं सोनं लंपास, सोनाराला 'ही' चूक नडली?

हे ही वाचा >> Apps Ban in India : भारत सरकारने 'या' 14 Applications वर बंदी का घातली, काय होतं कारण? समोर आली धक्कादायक माहिती

ठाणे रेल्वे स्थानकाजवळील एका दुकानात मंगळवारी रात्री दीड ते पहाटे चारच्या दरम्यान हा दरोडा पडल्याची माहिती पोलिसांनी  दिली आहे. नौपाडा पोलिसांनी सांगितलं की, चोरट्यांनी आधी दुकानाच्या पहिल्या मजल्यावर जाणाऱ्या जिन्याच्या दरवाजाचं कुलूप तोडलं आणि नंतर दुकानाचं शटर उचकटून त्यांनी आत शिरत दागिने लंपास केले.

दुकानात सुरक्षेच्या दृष्टीनं फार काही केलेलं नसल्याचं आढळून आलं आहे. एका अधिकाऱ्यानं सांगितले की, ज्वेलर्स  महागडे दागिने रात्री तिजोरीत ठेवत असतात. पण या दुकानात मौल्यवान वस्तू वरतील ठेवलेल्या होत्या. त्यामुळे चोरट्यांना कमी वेळेत हा मोठा ऐवज लंपास करता आला.

हे ही वाचा >>Maharashtra Politics: उद्धव ठाकरेंनी अचानक घेतली CM फडणवीसांची भेट... शिंदेंना शह?

सुरक्षेतील त्रुटींमुळे दरोडेखोरांना काही वेळातच चोरी करता आली. नौपाडा पोलिसांनी संबंधित अज्ञात गुन्हेगारांविरुद्ध गुन्हा दाखल केला आहे. गुन्हेगारांचा माग काढण्यासाठी अनेक तपास पथकं तैनात करण्यात आली आहेत. पोलिसांनी सांगितलं की,  दुकानाच्या परिसरातील सीसीटीव्ही फुटेज देखील तपासण्याचं काम सुरू आहे. तसंच स्थानिकांची चौकशीही करण्यात येत आहे. गुन्हेगारांना ओळखण्यासाठी फॉरेन्सिक पुराव्यांचंही विश्लेषण करण्यात येतंय. आमची टीम पुरावे गोळा करत असून गुन्ह्याची उकल करण्यासाठी प्रत्येक संभाव्य सुगावा शोधत असल्याचं पोलिसांनी म्हटलं आहे.