Jalna Crime: धारदार शस्त्राने वार करुन तरुणाची निर्घृण हत्या! 'त्या' ढाब्यावर नेमकं काय घडलं?

मिळालेल्या माहितीनुसार, जालना शहराजवळील जामवाडी शिवारातील एका हॉटेलच्या रूममध्ये तरुणाची धारदार शस्त्राने वार करून निर्घृणपणे हत्या करण्यात आली. 5/ 6 जणांच्या टोळक्याने तरुणाची हत्या केल्याची माहिती समोर आलीय. शेख हाफिज शेख हबीब (रा.कन्हैया नगर जालना) असं हत्या झालेल्या तरुणाचं नाव आहे. या प्रकरणात पोलिसांनी काही संशयितांना ताब्यात घेतल असून या घटनेमुळे शहरात एकच खळबळ उडाली आहे.

हे ही वाचा >> Lokpoll Survey : महाराष्ट्र विधानसभा निवडणुकीपूर्वी सर्वात मोठा सर्व्हे आला समोर! MVA उडवणार महायुती सरकारची झोप

जालना शहरात हमाली काम करणाऱ्या शेख हफीज शेख हबीब या तरुणावर जामवाडी शिवारातील एका ढाब्यावर असलेल्या रूममध्ये काही जणांनी हल्ला केला. धारदार शस्त्राने वार करून टोळक्याने त्या तरुणाला गंभीर जखमी केलं होतं. त्यामुळे तरुणाचा जागीच मृत्यू झाला. तरुणावर टोळक्याने हल्ला का केला, हे अद्याप समजू शकलेले नाहीये.

याबाबत पोलिसांना माहिती मिळताच तालुका जालना पोलीस आणि स्थानिक गुन्हे शाखेच्या पोलिसांनी घटनास्थळी धाव घेतली. या प्रकरणात एका संशयिताला स्थानिक गुन्हे शाखेच्या पोलिसांनी ताब्यात घेतलं. तर तालुका जालना पोलीस देखील इतर संशयित आरोपींना ताब्यात घेतल्याची माहिती आहे.