होम
विधानसभा 2024
राजकीय आखाडा
गुन्ह्यांची दुनिया
शहर-खबरबात
नॉलेज
बातम्या
स्पोर्ट्स
मनोरंजन
टॉपिक
Ajit Pawar: बारामती: लोकसभा निवडणूक 2024 च्या रणसंग्रामात बारामती हा मतदारसंघ अत्यंत चुरशीचा ठरत आहेत. याच निमित्ताने राज्याचे उपमुख्यमंत्री अजित पवार यांनी मुंबई Tak ला एक्सक्लुझिव्ह मुलाखत दिली. ज्यामध्ये त्यांनी लवासाचे आरोप, दाऊदशी संबधाचे आरोप.. यावरून भाष्य केलं. पण त्यांच्या या विधानाचा नेमका अर्थ काय यावरून आता राजकीय वर्तुळात चर्चांना उधाण आलं आहे. (ajit pawar exclusive interview relationship with dawood lavasa is just an allegation why did ajit pawar say that)
ADVERTISEMENT
'लवासाचा आरोप झाला ना.. झालाय की नाही? कोर्टात प्रकरण चालू आहे की नाही? त्याला आम्ही जबाबदार आहोत का? दाऊदशी संबंध.. हे आरोप झाले.. संबंध नाहीएत. अजिबात नाहीए.. पण आरोप झाले ना.. केव्हा आरोप होतात.. तुम्ही त्या पदावर काम करत असाल तर आरोप होतात.' असं विधान अजित पवार यांनी मुंबई Tak शी बोलताना केलं आहे.
जाणून घ्या अजित पवार नेमकं काय म्हणाले
अजित पवारांचं क्रिकेटचं नॉलेज हे भरपूर आहे.. लोकांना वाटतं की, अजित पवारांना राजकारणाच्या बाहेर काही दिसत नाही... असा सवाल अजित पवार यांना मुलाखतीत विचारण्यात आला होता.
त्यावर अजित पवार म्हणाले की, 'काय झालंय.. आमच्या कानफाट्या नाव पडलंय.. हे काय चिडका आहे.. हा कडक बोलतो.. हा एक घाव दोन तुकडे करतो. ही माझी इमेज सगळ्यांनी करून ठेवली आहे. त्यामध्ये 70 हजार आणि महाराष्ट्र बँकेचा घोटाळा.. एमएससी बँक ही दरवर्षी 600 ते 700 कोटी नफ्यात आहेत. कुठल्याही बँकेचा घोटाळा झाला तर ती बँक रसातळाला जाते..'
'आज कागदपत्रं झाकली जात नाही.. चेकशिवाय तर बँकेचा व्यवहार होत नाही. कॅशमध्ये तर व्यवहार होत नाही. 50 ठिकाणी चौकशी करा ना..'
'मी ज्यांच्या बरोबर रात्रीचा दिवस केला.. दैवत मानून मनापासून काम केलं त्यांच्यातील पण काही बगलबच्चे याच्याबद्दल बोलायला लागले आहेत. आता आम्हाला पण काहीनी सांगितलं की, सुप्रिया उमेदवार आहेत त्यांच्यावर भ्रष्टाचाराचे आरोप नाहीत. सुनेत्रावर देखील भ्रष्टाचाराचे आरोप नाहीत. तुम्ही मंत्री झाल्या तरच निर्णय प्रक्रियेची फाइल यायला सुरुवात होते. त्यातून एखादं काम करत असताना काही आरोप केले जातात.'
'मग त्यांनी भ्रष्टाचार केला नाही.. पण आरोप झाला नाही.. लवासाचा आरोप झाला ना.. झालाय की नाही? कोर्टात प्रकरण चालू आहे की नाही? त्याला आम्ही जबाबदार आहोत का? त्यानंतर दुसरं हे सगळं घडत असताना.. तेव्हा आम्ही राजकारणात एकदम ज्युनिअर होतो. पण 1978 ते 80 त्या काळात भूखंडाचे श्रीखंड हा आरोप झाला की नाही..'
'त्या आरोपात तथ्य नाही.. पण झाला की नाही.. त्यानंतर एनरॉनचा आरोप.. तो आरोप झाला की नाही.. दाऊदशी संबंध.. हे आरोप झाले.. संबंध नाहीएत. अजिबात नाहीए.. पण आरोप झाले ना.. केव्हा आरोप होतात.. तुम्ही त्या पदावर काम करत असाल तर आरोप होतात. तुम्ही निर्णय घेताना आरोप होतात. ही गोष्ट समजून घेतली पाहिजे.' असं विधान अजित पवार यांनी केलं आहे.
आता अजित पवारांच्या या विधानावर शरद पवार नेमकं काय उत्तर देणार हे पाहणं महत्त्वाचं ठरणार आहे.
ADVERTISEMENT
