होम
विधानसभा 2024
राजकीय आखाडा
गुन्ह्यांची दुनिया
शहर-खबरबात
नॉलेज
बातम्या
स्पोर्ट्स
मनोरंजन
टॉपिक
Opinion Poll: मुंबई: देशात लोकसभा निवडणुकीसाठी जोरदार वातावरण आहे. सात टप्प्यांत होणाऱ्या निवडणुकीच्या पहिल्या टप्प्यासाठी 19 एप्रिलला मतदान होणार आहे. भारतीय जनता पक्ष त्यांच्या NDA तर काँग्रेस भारतीय राष्ट्रीय विकास समावेशक आघाडी (INDIA) च्या साथीने निवडणुकीत व्यस्त आहेत. पंतप्रधान मोदींपासून राहुल गांधींपर्यंत सर्वच जण रोज देशभरात निवडणूक सभा घेत आहेत. निवडणुकीत बेरोजगारी, महागाई, इलेक्टोरल बॉण्ड्स या मुद्द्यांवर विरोधक सरकारवर टीका करत आहेत, तर सत्ताधारी ‘मोदींची गॅरंटी’आणि सरकारच्या योजनांच्या मुद्द्यावर निवडणुकीच्या मैदानात उतरले आहेत. (lok sabha election 2024 once again will modi government or bjp cross 400 seats or india alliance counterattack condition was seen in the survey of 543 seats)
ADVERTISEMENT
या सगळ्यामध्ये पक्षांच्या निवडणुकीतील कामगिरीबाबत सातत्याने मतप्रवाह येत आहेत. काल 'एबीपी न्यूज सी-व्होटर' ने लोकसभा निवडणुकीसाठी आपला अंतिम जनमत कौल प्रसिद्ध केला आहे. या सर्वेक्षणात देशातील सर्व 543 लोकसभा जागांसाठी अंदाज जाहीर करण्यात आला. सर्वेक्षणाच्या अंतिम आकडेवारीत पंतप्रधान नरेंद्र मोदी यांच्या नेतृत्वाखाली भाजप पुन्हा एकदा देशात सत्तेत येताना दिसत आहे. त्याचवेळी, काँग्रेसही मागील निकालांमध्ये सुधारणा करताना दिसत आहे.
हे ही वाचा>> महाराष्ट्र: 48 मतदारसंघामध्ये कोण जिंकणार? संपूर्ण यादी
ओपिनियन पोलमध्ये भाजपला मोठी आघाडी
सी-व्होटरने देशातील सर्व 543 लोकसभा जागांवर एबीपी न्यूजसाठी ओपिनियन पोल जारी केला. देशातील सर्व जागांवर, भाजप-एनडीएला 373 जागा आणि काँग्रेसच्या नेतृत्वाखालील विरोधी इंडिया आघाडीला 155 जागा मिळण्याची अपेक्षा आहे. या सर्वेक्षणात इतर पक्षांना 15 जागा मिळण्याची शक्यता आहे. जर आपण व्होट शेअरबद्दल बोललो, तर एनडीएला 47 टक्के मते मिळण्याची शक्यता आहे. तर INDIA आघाडीला 40 टक्के मते मिळण्याची शक्यता आहे आणि इतरांना 13 टक्के मते मिळण्याची शक्यता आहे.
इंडिया टुडेच्या 'मूड ऑफ द नेशन' सर्वेक्षणातील आकडेवारी
फेब्रुवारी महिन्यात प्रसिद्ध झालेल्या इंडिया टुडेच्या 'मूड ऑफ द नेशन' सर्वेक्षणानुसार, देशात निवडणुका झाल्या तर भाजपची एनडीए आघाडी पुन्हा एकदा सलग तिसऱ्यांदा सत्तेत येऊ शकते. देशातील सर्व 543 लोकसभेच्या जागांपैकी NDA आघाडीला 335 जागा मिळण्याची शक्यता आहे, तर विरोधी आघाडी INDIA ला 166 जागा मिळण्याची शक्यता आहे. तर इतरांनाही 42 जागा मिळण्याची शक्यता आहे.
हे ही वाचा>> Opinion Poll:पवार vs फडणवीस.. प. महाराष्ट्रात किंग कोण?
पक्षपातळीवर नजर टाकली तर भाजपला 304 जागा मिळताना दिसत आहेत, याचा अर्थ भाजप मागील कामगिरीची पुनरावृत्ती करताना दिसत आहे. गेल्या 2019 च्या लोकसभा निवडणुकीत भाजपला 303 जागा मिळाल्या होत्या. तर या सर्वेक्षणात काँग्रेसची मागील कामगिरी सुधारताना दिसत आहे. गेल्या निवडणुकीत पक्षाला 52 जागा मिळाल्या होत्या, तर यावेळी 71 जागा मिळण्याचा अंदाज आहे. इतर पक्षांना 168 जागा मिळतील असा अंदाज होता.
ADVERTISEMENT
