Aaditya Thackeray Mumbai Tak Chavadi: मुंबई: शिवसेना (UBT) चे नेते आणि आमदार आदित्य ठाकरे यांनी मुंबई Tak चावडीवर भाष्य करताना भाजपसोबत भविष्यात युती करणार का? याविषयी मोठं भाष्य केलं आहे. एकीकडे पंतप्रधान नरेंद्र मोदी यांनी सरकारमध्ये सामील होण्यासाठी पवार आणि ठाकरेंना थेट ऑफर दिलेली असताना दुसरीकडे आदित्य ठाकरेंनी याबाबत अत्यंत महत्त्वाचं विधान केलं आहे. (mumbai tak chavadi alliance with bjp aaditya thackeray made a very big statement)
ADVERTISEMENT
मुबंई Tak चावडीवर बोलताना आदित्य ठाकरेंनी अनेक प्रश्नांना उत्तरं दिलं. याचवेळी त्यांना भविष्यात शिवसेना (UBT)भाजपसोबत युती करणार का? असा सवाल विचारण्यात आला. त्यावर आदित्य ठाकरेंनी 'या' भाजपसोबत तरी नाही.. असं उत्तर यावेळी दिलं.
भाजपसोबत युती करणार का? पाहा आदित्य ठाकरे नेमकं काय म्हणाले...
'जर ग्रूमिंग झालं असतं तर मी खोटं बोलू शकतो असतो.. पण ग्रूमिंग झालं नाही..'
'नाही.. नाही.. नाही... असंच म्हणाले होते ना..'
'मतदारांनी हे स्पष्ट ठरवणं गरजेचं आहे.. की, महाराष्ट्र हिताचा कोण विचार करतंय.. मतदारांनी हा पण विचार केला पाहिजे की, भाजपला मतदान करून काय फायदा होणार आहे. हा विचार प्रत्येक राज्यात झाला पाहिजे.'
'आपल्याला आठवत असेल की जसं इथे पाच वर्षात 3 सरकारं बनली.. बिहारमध्ये पण भाजपची नितीश कुमारांसोबत 2-3 सरकारं बनली गेल्या 10 वर्षात..'
'ज्या पद्धतीने तेजस्वी यादव रोजगाराबाबत बोलत आहेत. ते मुद्द्यावर बोलतायेत.. आम्ही पण तेच करतोय.. आम्ही मुद्यांवर बोलतोय.. मूळ गोष्ट ही आहे की, महाराष्ट्रात 3 गोष्टी या मागील पाच वर्षात झाल्या.'
हे ही वाचा>> VIDEO : आधी आमदाराने लगावली कानशिलात, नंतर मतदाराने...;
'एक अडीच दिवसाचं सरकार, एक अडीच वर्षाचं आणि आता एक अडीच वर्षाचं सरकार.. हे सगळं होत असताना उद्धव ठाकरे, शरद पवार साहेब असतील या दोन्ही व्यक्तींनी आणि नंतर काँग्रेस जे आमच्या सोबत आहेत. आम्ही नेहमी एकच भूमिका घेतलीए की, आम्ही महाराष्ट्र, देश हिताचं बोलत आलोय.'
'आज जी भाजप आहे ती पूर्वीची भाजप राहिलेली नाही. भाजपचे जे प्रमुख नेते आता टीव्हीवर दिसतायेत ते कोण आहे? 2019 च्या आधीचे की नंतरचे? सगळे आयात केलेले आहे..'
'गोपाळ शेट्टी, प्रकाश मेहता, विनोद तावडे, पूनम महाजन.. असे अनेक लोकं आहेत जे बाजूला गेले आहेत. म्हणजे ज्या भाजपला मी लहानपणीपासून पाहिलंय.. माझ्या लहानपणापासून मी वडिलांसोबत प्रचारासाठी फिरायचो. मला आवड होती राजकारणाची..'
'पण हे सगळं होत असताना मी ज्या लोकांना भाजप वाढवताना बघितलं ती भाजप आता राहिलेली नाहीए. वाजपेयी साहेबांची भाजप आणि ही भाजप यामध्ये खूप फरक आहे.'
हे ही वाचा>> Uddhav Thackeray : पंतप्रधानांच्या 'त्या' विधानावर ठाकरे प्रचंड चिडले
'वाजपेयी साहेबांची भाजप ही सगळ्यांना सोबत घेऊन चालायची. आज काही पक्षांना भाजप अँटी इंडिया किंवा अँटी नॅशनल बोलतं.. हे सगळं त्यावेळी केंद्र सरकारमध्ये मंत्रीही होते. पण आजची जी भाजप आहे ती दोस्तीत विश्वास ठेवत नाही.. संविधानावर विश्वास ठेवत नाही. लोकशाहीत विश्वास ठेवत नाही. हे घातक आहे देशाला.'
'जो पर्यंत ही भूमिका भाजप बदलत नाही.. आणि मला वाटत नाही की, ही भूमिका भाजप बदलेल.. तोपर्यंत आम्ही त्यांच्यासोबत जाऊ शकत नाही.'
'आमच्याबरोबर काय झालं वैगरे हे नंतर.. पण ज्या प्रकारे संविधान बदलायचंय, लोकशाही संपवायचीय. हे आम्ही नाही बोलतए. भाजपचे अनेक उमेदवार बोलले आहेत. मला वाटतंय पंकजा ताई एका सभेत बोलल्या की, आम्हाला संविधान बदलायचंय.. 400 पार करून द्या. ही सत्य परिस्थिती आहे..'
'लोकांचं नाही माझं म्हणणं झालंय.. म्हणजे तुम्ही विचार करा माझी स्थिती अशी होते कधीकधी की, जिल्ह्यात गेल्यानंतर अरे हा या होर्डिंगवर आहे की, त्या होर्डिंगवर.. कधी-कधी दोन्ही होर्डिंगवर असतो. असं ते झालेलं आहे..'
'जी परिस्थिती आपण विचार करतोय की, भाजपला जर आकडे कमी पडले तर.. हाच विचार.. जी भाजप दोन महिन्यांपूर्वी 400 पारचा विचार करत होती. हा प्रश्न त्यावेळी आला नसता.'
'मी आपल्याला सांगतो.. जोपर्यंत आताची जी भाजप आहे ज्यांना दोस्तीमध्ये, विश्वासाहर्तमध्ये.. विश्वासच नाही तोपर्यंत भाजपमध्ये जाऊच शकत नाही.'
'जोपर्यंत ते संविधान बदलाचा हेतू मनात ठेवतात आणि लोकशाही संपविण्याचा प्रयत्न करतात तोपर्यंत सोबत जाणार नाही. म्हणून मी सांगतोय ना.. या भाजपसोबत आम्ही जाऊ शकत नाही..'
'नाही.. नाही.. नाही.. मी असं बोलणारच नाही..' असं विधान आदित्य ठाकरे यांनी केलं आहे.
ADVERTISEMENT
![follow whatsapp](/assets/icons/followWhatsApp.png)