Abhijeet Sawant : सूरजला 14 लाखांच बक्षीस, मग अभिजीतने 35 लाख कसे कमावले?

बिग बॉस मराठीचा पाचवा सीझन जिंकून सूरज चव्हाणने एकूण 24.6 लाखाची बक्षीस रक्कम जिंकली आहे. पण कोईमोई डॉट कॉमने दिलेल्या माहितीनुसार, सूरज चव्हाणला प्रत्येक आठवड्याला 25 हजार रूपये मिळत होते. त्यानुसार बिग बॉस फायनलपर्यंत एकूण रक्कम 2.50 लाख होते. त्यामुळे जिंकल्यानंतर त्याला मिळालेली बक्षीस रक्कम त्याच्या शो फीपेक्षा 835 टक्के जास्त आहे. पण असे असले तरी अभिजीत सावंत पराभूत होऊनही लखपती ठरला आहे. कारण या शोमधून त्याची एकूण कमाई विजेत्या सूरजपेक्षा 14 टक्के जास्त आहे.

हे ही वाचा : Suraj Chavan : 14 लाखांचा चेक, बाईक आणि...बिग बॉस जिंकल्यानंतर सूरज चव्हाणला किती लाख मिळाले?

अभिजीतने किती बक्षीस रक्कम कमावली? 

अभिजीत सावंत हा बिग बॉस मराठीच्या पाचव्या सीझनचा फर्स्ट रनरअप ठरला होता. अभिजीत सावंतने त्याच्या गेमप्लानने प्रेक्षकांना प्रचंड खूप केले होते. फायनलमध्ये अभिजीत सावंतला 1 लाख रूपयांच गिफ्ट वाऊचर दिलं गेलं. खरं तर रनरअपसाठी बिग बॉसने कोणतीही प्राईज मनी दिली नव्हती. तरी देखील अभिजीत लखपती बनला आहे.  मीडिया रिपोर्टनुसार अभिजीत सावंतला प्रत्येक आठवड्याचे 3.5 लाख मिळत होते. अशाप्रकारे फायनलपर्यंत त्याने 10 आठवड्यात  35  लाख रूपये कमावले. तसेच अभिजितची एकूण नेटवर्थ ही 1.2 ते 8 कोटी रूपये आहे. तर तो प्रत्येक परफॉर्मन्ससाठी तो 6-8 लाख रूपये घेतो, असं रिपोर्टमध्ये म्हटलं गेलं आहे. 

तसेच बिग बॉसमध्ये सेकंड रनरअप ठरलेली निक्की तांबोळी सर्वांधिक फी घेणारी कंटेस्टंट होती. तिला प्रत्येक आठवड्याला 3.75 लाख मिळत होते. ज्याची एकूण रक्कम 37.50 लाख रूपये होते. 10 आठवड्यात निक्की तांबोळी इतकी रक्कम घेऊन गेली. त्यामुळे रनरअप ठरून देखील या सदस्यांनी प्रचंड पैसा कमावला आहे.