Janhavi Killekar : सगळ्यांनाच 'बुक्कीत टेंगुळ' देऊन जान्हवीने जिंकले 900000 रूपये!

बिग बॉस मराठीच्या पाचव्या पर्वाचा ग्रँड फिनाले रविवारी पार पडला होते. या ग्रँड फिनाले शर्यतीत सहा सदस्य होते. स्पर्धेच्या सुरुवातीला रितेश देशमुख यांनी सहा सदस्यांना अगोदर 7 लाखाची ऑफर दिली होती.यावेळी रितेशच्या हातात दोन बँगा होत्या. एका बँगेत 7 लाख रूपये होते, तर दुसऱ्या हातात सहाव्या सदस्याचे नाव होते. जो थेट घराबाहेर जाणार होता. खरं तर हा सदस्य कोण होता? हे कोणालाच माहिती नव्हते. पण नंतर रितेशने 2 लाखाची रक्कम आणखीण वाढवली. त्यानंतर जान्हवी किल्लेकर ही पुढे आली आणि तिने बझर दाबला. तिने हा बझर दाबून मास्टरस्ट्रोकच खेळला. कारण दुसऱ्या बँगेत एलिमिनेशन साठी तिचेच नाव आहे. 

हे ही वाचा : Suraj Chavan : 14 लाखांचा चेक, बाईक आणि...बिग बॉस जिंकल्यानंतर सूरज चव्हाणला किती लाख मिळाले?

जर तिने ही रक्कम स्विकारली नसती तर ती थेट एलिमिनेट झाली असती. आणि तिच्या हातात दमडी देखील आली नसती. खरं तर तिला कळून चुकलेलं की ती या स्पर्धेत विजेती होणे अशक्यच होतं. त्यामुळे योग्यवेळी योग्य निर्णय घेऊन जान्हवीने माघार घेण्याचा निर्णय घेतला. ज्यामुळे तिच्या हातात 9 लाखाची रक्कम लागली. जर तिने ही रक्कम स्विकारली नसती तर दुसऱ्याच क्षणी ती नॉमिनेट झाली असती. त्यामुळे जान्हवीने घेतलेला निर्णय मोठी शातीर खेळी मानली जात आहे. 

खरं तर या स्पर्धेत जे खेळाडू रनरअप ठरले आहेत, त्याच्या वाट्याला फक्त 1 लाख रूपयेच आले आहे. जसे अभिजीत पहिला रनरअप, निक्की दुसरी रनरअप आणि डिपी दादा तिसरा रनरअप ठरला होता. या सदस्यांना फक्त प्रत्येकी 1 लाख मिळाले आहेत.त्या तुलनेच जान्हवीने एकटीने 9 लाख जिंकले आहेत. त्यामुळे इतर खेळाडूंच्या तुलनेत जान्हवी शातीर ठरली आहे. 

माघार घेतल्यानंतर जान्हवी काय बोलली? 

''मी उद्धट बोलले, मोठ्यांचा अपमान केला. मला माहितीये की, लोकांचा राग शांत झालेला नाहीये. हा गेम आहे आणि हा बिग बॉसने दिलेला एक टास्क आहे. टास्क पूर्ण नाही केला, तर बिग बॉस चिडतात. मी प्रायश्चित म्हणून हा बझर वाजवते आणि हा खेळ सोडते'', असे सांगत जान्हवीने 9 लाखांची पैशांची बॅग उचलून खेळातून माघार घेतली होती.