Param Singh : ‘माझ्यासोबत संबंध ठेवण्याचा प्रयत्न केला, पण…’, अभिनेत्याने सांगितला कास्टिंग काऊचा अनुभव

टीव्हीचा मोठा अभिनेता

‘सदा हक’ फेम परम सिंग याने टीव्ही इंडस्ट्री सोडून थिएटरचा मार्ग स्वीकारला आहे. याशिवाय तो ओटीटी प्लॅटफॉर्मवरही आपले कौशल्य आजमावत आहे. न्यूज 18 ला दिलेल्या मुलाखतीत अभिनेत्याने त्याच्या आत दडलेल्या वेदनाबद्दल सांगितले. तो म्हणतो, सुरुवातीला मला कास्टिंग काउचचा सामना करावा लागला. कामाच्या संदर्भात मी एकदा कास्टिंग डायरेक्टरला भेटायला पोहोचलो. यादरम्यान त्याने माझ्याशी शारीरिक संबंध ठेवण्याचा प्रयत्न केला. तो माझ्या जवळ येताना पाहून मी त्याला ढकलले. त्यालाही धक्काबुक्की करण्याचा प्रयत्न केला. तो घाबरला होता. त्यानंतर मी तेथून निघालो, असं तो म्हणाला.

या सर्व गोष्टींना मॅनेज कसं करायचं हे त्याला चांगलं ठाऊक असल्याचं अभिनेत्याचं म्हणणं आहे. इतरही यावर भूमिका घ्यायला शिकतील, अशी अपेक्षा त्याने व्यक्त केली. परम म्हणतो की तुमच्या टॅलेंटवर विश्वास ठेवा आणि मेहनत करत रहा. यानंतर तुम्हाला उत्तम परिणाम आपोआप मिळेल. यास थोडा वेळ लागतो, पण नक्की मिळतो.

थिएटरचा आनंद घेत आहे

परम सिंग सांगतो की, तो बराच काळ इंडस्ट्रीत आहे, पण तो त्याच्या कामावर खूश नव्हता. पण आता त्याने जे काही साध्य केले आहे, त्यासाठी तो थँकफुल आहे. थिएटरबद्दल बोलताना परम सिंग म्हणाला, माझा थिएटरमध्ये येण्याचा कोणताही विचार नव्हता. पण मला नाटकाची ऑफर आली. स्क्रिप्ट वाचल्यावर मला मजा यायला लागली. या संधीचा फायदा घेत मी थिएटरमध्ये सहभागी झालो.परम सिंग म्हणतो की, आता तो रंगभूमीचा आनंद घेऊ लागला आहे. थिएटरच्या माध्यमातून परमसिंगला ज्या गोष्टी करायच्या आहेत त्या सर्व करतोय, असं परम सिंह म्हणाला.