अक्षयकुमारच्या पृथ्वीराज सिनेमाच्या स्पेशल स्क्रीनींगला येणार गृहमंत्री अमित शहा

दिग्दर्शक चंद्रप्रकाश द्विवेदी यांनी दिलेल्या माहितीनुसार, अमित शाह हे हा सिनेमा रिलीज होण्याच्या २ दिवस आधीच हा सिनेमा पाहणार आहेत.“आपल्या देशाचे माननीय गृहमंत्री अमित शाह, भारतमातेच्या शूर पुत्रांपैकी एक, सम्राट पृथ्वीराज चौहान यांच्या गौरवशाली जीवनावरील महाकाव्याचे साक्षीदार होणे ही आमच्यासाठी सन्मानाची गोष्ट आहे. ज्या सम्राट पृथ्वीराज चौहान यांनी देशासाठी बलिदान दिले, त्यांची जीवनगाथा ते पाहणार आहेत.१ जूनला दिल्लीत या सिनेमाचे स्पेशल स्क्रीनिंग केले जाणार आहे. या स्पेशल स्क्रीनिंगसाठी अमित शाह यांच्यासह काही कॅबिनेट मंत्री आणि दिग्गज नेते हजेरी लावणार आहेत.