Stree 2 Movie : Stree 2 चित्रपटाचे 'ते' सीन्स पाहिलेत का? राजकुमार रावने थेट Instagram वरच...

राजकुमार बनला राजकुमारी

राजकुमार रावने इन्स्टाग्रामवर दोन फोटो शेअर केले आहेत. यामध्ये पहिल्या फोटोत राजकुमारने स्कर्ट आणि क्रॉप टॉप परिधान केल्याचं पाहायला मिळत आहे. फोटो पाहिल्यानंतर अनेकांना वाटलं असेल की, स्त्री-३ चित्रपटासाठी राजकुमारची तयारी सुरु आहे. पण असं काही नाही. कारण हा एक स्त्री-२ चित्रपटाचा सीन आहे. जो चित्रपटातून कापण्यात आला आहे.

हे ही वाचा >> Badlapur News: 'तुझा रेप झालाय का?', असा आरोप असलेल्या वामन म्हात्रेंचं 'ते' CCTV फुटेज समोर

ही पोस्ट शेअर करत राजकुमारने कॅप्शनमध्ये लिहिलं, हे चित्रपटातील माझे आवडते आणि सर्वात फनी सीन होते. परंतु, फायनल कटमध्ये या सीन्सचा चित्रपटात समावेश केला नाही. तुम्हाला ते सीन्स पाहायचे आहेत का? तुम्ही सर्व सांगा? याचसोबत राजकुमारने दिग्दर्शक अमर कौशिकला टॅग केलं आहे.राजकुमारचं हे कॅप्शन पाहिल्यावर असं वाटतं की, या सीन्ससोबत स्त्री-२ चित्रपट पुन्हा प्रदर्शीत करण्याचं प्लॅनिंग सुरु आहे.

कारण या चित्रपटाने गेल्या काही दिवसांपासून पडद्यावर धुमाकूळ घातला आहे. जर हा चित्रपट पुन्हा प्रदर्शीत झाला, तर चित्रपटाच्या कमाईत पुन्हा वाढ होऊ शकते. राजकुमारच्या या पोस्टला जबरदस्त प्रतिसाद मिळत आहे. आम्हाला स्त्री-२ चित्रपट पुन्हा पाहायचं आहे, अशा प्रतिक्रिया नेटकरी देत आहेत. अभिनेता विजय वर्माने म्हटलंय, हे सीन पाहण्यासाठी मी पैसे खर्च करेन.

हे ही वाचा >> Mazi Ladaki Bahin Yojana : ठाण्याच्या 'या' भागातील 78000 महिलांना मिळणार लाडकी बहीण योजनेचा लाभ