Park Soo Ryun: पायऱ्यांवरून पडून 29 वर्षीय अभिनेत्रीचा मृत्यू, पण तिचं हृदय कायम..

अभिनेत्रीचे आई-वडील करणार तिचे अवयव दान

अभिनेत्री पार्क सू रयूनच्या कुटुंबाने तिचे अवयव दान करण्याचा निर्णय घेतला आहे. Soompi च्या रिपोर्टनुसार, पार्कच्या निधनानंतर तिची आई म्हणाली, ‘फक्त तिच्या मेंदूचा मृत्यू झाला आहे. पण तिचे हृदय अजूनही धडधडत आहे. जगात कोणीतरी असावं ज्याला या अवयवांची नितांत गरज आहे. तिचे आई-वडील या नात्याने आम्हाला या गोष्टीचा अधिक आनंद होईल की, तिचे हृदय दुसर्‍या कोणाकडे तरी आहे आणि आजही धडधडत आहे.

कोण होती पार्क सू रयून ?

2018 मध्ये, अभिनेत्री पार्क सू रयूनने Il Tenore मधून पदार्पण केले होते. यानंतर ती फाईंडिंग मिस्टर डेस्टिनी, द डेज वी लव्हड, तसेच ती इतर म्युझिकल अलब्ममध्ये देखील दिसली होती. तिने सुप्रसिद्ध कोरियन शो ‘स्नोड्रॉप’मध्ये देखील काम केले. या शोमुळे तिला अभिनेत्री म्हणून खरी ओळख मिळाली.

‘स्नोड्रॉप’मधील तिच्या भूमिकेविषयी ती काही दिवसांपूर्वीच बोलली होती. तिने सोशल मीडियावर काही फोटो देखील शेअर केले होते. तिने सांगितले होते की, शोमध्ये तिची भूमिका खूपच छोटी असली तरीही सेटवर तिची पुरेपूर काळजी घेतली जात होती. यासोबत तिने अभिनेता जंग हेसोबत (Jung Hae) पुन्हा काम करण्याची संधी मिळेल, अशी आशा व्यक्त केली होती.

पार्क सू रयूनचा मृतदेह ग्योन्गी प्रांतीय वैद्यकीय केंद्राच्या (Gyeonggi Provincial Medical Center) सुवोन रुग्णालयात ठेवण्यात आला आहे. आज (13 जून रोजी) तिच्या पार्थिवावर अंत्यसंस्कार करण्यात येणार आहेत. यावेळी तिचे कुटुंबीय आणि जवळचे लोक या गुणी अभिनेत्रीला अखेरचा निरोप देतील.