ladki Bahin Yojana: लाडक्या बहिणींना मिळालं 'दिवाळी गिफ्ट'! उपमुख्यमंत्र्यांनी योजनेबाबत केली मोठी घोषणा

अजित पवार म्हणाले, विरोधी पक्ष महिलांना खोटी माहिती देण्याचा प्रयत्न करत आहेत. या योजनेच्या माध्यमातून आतापर्यंत 2 कोटी 3 लाख महिलांना लाभ मिळाला आहे. पैसा थेट महिलांच्या खात्यात जमा केला आहे. जेव्हा एखाद्याच्या घरी मनी ऑर्डर येतं, तेव्हा  त्या व्यक्तीलाही असं वाटतं की, मलाही काहीतरी बक्षिस मिळालं पाहिजे. त्यामुळे मनी ऑर्डर आणणाऱ्या व्यक्तीला काहीतरी बक्षिस द्यावं लागत होतं. परंतु, आम्ही लाडकी बहीण योजनेत कोणताही अडथळा ठेवला नाहीय. आम्ही महिलांच्या खात्यात थेट पैसे जमा करत आहोत. या योजनेसाठी पुढील पाच वर्ष पैशांची तरतूद केली आहे.

हे ही वाचा >>  Maharashtra Weather : भाऊबीजेच्या दिवशी वादळी संकट? आज 'या' भागांना IMD चा हायअलर्ट

लाडकी बहीण योजना सुरू राहण्यासाठी महायुतीला मतदान करा. विधानसभा निवडणुकीनंतर अर्थसंकल्प सादर करण्याची संधी मिळाली, तर राज्याचा पुढील अर्थसंकल्प हा सात लाख कोटींचा असेल. ज्यामध्ये 45,000 कोटी लाडक्या बहिणींसाठी असतील आणि राज्यातील शेतकऱ्यांचं वीजबील माफ करण्यासाठी 15000 कोटींची तरतूद केली जाईल. राज्याचा मागील अर्थसंकल्प साडेसहा कोटींचा होता.

हे ही वाचा >> Gold Rate on Bhaubij : अरे व्वा! लाडक्या बहिणीसाठी खरेदी करता येणार सोनं? आजचे भाव...

"लाडकी बहीण योजना इतक्या मोठ्या प्रमाणात चालवली जाऊ शकते, असं विरोधकांना वाटलं नव्हतं. त्यामुळे विरोधकांसाठी ते अनपेक्षित होतं. “लाडकी बहीण योजनेचे पैसे आचारसंहितेत अडकू नये यासाठी महिलांना नोव्हेंबरचे पैसे ऑक्टोबरमध्ये दिले. 20 नोव्हेंबरला निवडणुकीचं मतदान आहे. तर निवडणुकीचा निकाल 23 नोव्हेंबरला आहे. त्यामुळे महिलांना डिसेंबरचे पैसे नोव्हेंबरमध्येच देण्यात येणार आहेत",असं मोठं विधान मुख्यमंत्री एकनाथ शिंदेंनी एनएनआयला दिलेल्या मुलाखतीत नुकतच केलं.