Mazi Ladki Bahin Yojana: पटकन अर्ज भरा... माझी लाडकी बहीण योजनेचे थोडेच दिवस शिल्लक!

राज्याचे अर्थमंत्री अजित पवार यांनी अंतरिम अर्थसंकल्पात या योजनेची घोषणा केल्यानंतर राज्यभरात अनेक शासकीय कार्यालयांमध्ये महिलांची अक्षरश: झुंबड उडाली होती. सुरुवातीला हे अर्ज केवळ ऑफलाइन पद्धतीने भरता येत होते. मात्र, आता हे अर्ज ऑनलाइन पद्धतीने देखील भरता येणार आहे. यासाठी शासनाने अॅप देखील लाँच केलं आहे. यामुळे अर्ज भरणं हे सोप्पं झालं आहे. मात्र, आता या योजनेचा लाभ घेण्यासाठी तात्काळ अर्ज भरणं आवश्यक आहे.

हे ही वाचा>> Mazi Ladki Bahin Yojana : चुका टाळा! 1500 रुपये मिळवण्यासाठी कसा भरायचा अर्ज? 

मुख्यमंत्री माझी लाडकी बहीण योजनेसाठी अर्ज करण्याची मुदत ही 31 ऑगस्ट 2024 पर्यंत आहे. त्यामुळे या तारखेपर्यंत महिलांना अर्ज करावे लागणार आहेत. या योजनेला महिलांचा वाढता प्रतिसाद लक्षात घेऊन सरकारने सुधारित जीआर काढून अर्जाची तारीख वाढवली होती.

सुरुवातीला माझी लाडकी बहीण योजनेची अर्ज करण्याची शेवटची तारीख ही 1 जुलै ते 15 जुलै अशी होती. मात्र, सुधारित जीआरनुसार ही तारीख आता 31 ऑगस्ट 2024 पर्यंत आहे. यामुळे राज्यातील महिलांना योजनेसाठी अर्ज करण्याची शेवटची तारीख 31 ऑगस्ट आहे. तसेच सरकारकडून योजनेचे काही नियम देखील बदलण्यात आले आहेत.

हे ही वाचा>> Mazi Ladki Bahin Yojana List: 1500 रुपये मिळणार की नाही? असं तपासा यादीत तुमचं नाव!

संपूर्ण राज्यात जुलै 2024 पासून माझी लाडकी बहीण योजना ही लागू करण्यात आली आहे. आता ऑनलाइन अर्जही करता येणार असल्याने महिलांना कोणत्याही शासकीय कार्यालयात देखील जाण्याची गरज नाही.

योजनेच्या अंमलबजावणीसाठी कालमर्यादा: 

सदर योजनेत आता 31 ऑगस्ट 2024 पर्यंत लाभार्थी महिलांना अर्ज करता येईल. तसेच 31. ऑगस्ट 2024 पर्यंत अर्ज करण्यात आलेल्या लाभार्थी महिलांना 1 जुलै 2024 पासून दरमहा 1500 रुपये आर्थिक लाभ देण्यात येणार आहे. या मोहिमेतंर्गत नोंदणीबाबतच्या कार्यवाहीसंदर्भात वेळोवेळी आवश्यक त्या सूचना देण्यात येतील.