नव्या वर्षी कंबर हवी अशी सडपातळ? फक्त 3 टिप्स अन्...

लोक नवीन वर्षात वजन कमी करण्याचा संकल्प करतात कारण नवीन वर्ष हा संकल्प करण्याचा आणि जीवनशैलीत बदल करण्याचा उत्तम काळ आहे. जर तुम्ही देखील असाच नवीन वर्षाचा संकल्प घेतला असेल पण हिवाळा तुमच्या मार्गात अडथळे आणत असेल तर आम्ही तुम्हाला काही टिप्स सांगत आहोत ज्या तुमच्या नवीन वर्षाचे संकल्प पूर्ण करण्यात तुम्हाला खूप मदत करू शकतात.

हे ही वाचा>> Health Tips : नाश्त्यामध्ये केलेल्या 'या' चुकांमुळे तुमच्या शरिरात वाढते कोलेस्ट्रॉलची पातळी

अमेरिकेतील युनिव्हर्सिटी ऑफ रॉचेस्टर मेडिकल सेंटरमधील पोषणतज्ज्ञ आणि वेलनेस कोच नताली थॉम्पसन म्हणतात की, जर तुम्ही हिवाळ्यात डाएटिंग करत असाल तर एक प्रकारे तुम्ही निसर्गाच्या विरोधात जात आहात. प्रशिक्षक नताली यांनी आहार कसा निरोगी ठेवावा हे देखील सांगितले

हिवाळ्यात वजन कमी करणे कठीण का आहे?

अनेकदा असे म्हटले जाते की, हा ऋतू खाण्याच्या सवयींच्या बाबतीत खूप चांगला आहे. ज्यामुळे लोक वजन वाढण्याची तक्रार करू लागतात. हिवाळ्यात आपली शारीरिक हालचालही कमी होते त्यामुळे वाढलेले वजन नियंत्रित करणे कठीण होते. नताली म्हणते की हिवाळ्यात जास्त प्रमाणात खाण्याची आणि जास्त कॅलरी असलेले पदार्थ खाण्याची इच्छा होणे सामान्य आहे. वजन कमी करण्याचा सर्वोत्तम मार्ग म्हणजे संतुलित आहार घेणे. पण जर तुम्ही डाएटिंग करत असाल आणि ते तुमच्या शरीराच्या नैसर्गिक प्रवृत्तींनुसार नसेल तर त्याचा तुम्हाला फारसा फायदा होणार नाही.

आपल्या शरीराचे ऐका

नवीन वर्षाचा संकल्प म्हणून वजन कमी करण्याचा आहार हा एक चांगला मार्ग असू शकतो. परंतु हिवाळ्यात वजन कमी करण्याची अपेक्षा करणे हवामानाच्या दृष्टीने फायदेशीर ठरणार नाही. याचे कारण असे की आपले शरीर कॅलरीज साठवून ठेवते आणि जेव्हा तापमान कमी होते तेव्हा कॅलरीयुक्त पदार्थांची इच्छा प्रबळ होते. म्हणून, आपण आपल्या शरीराच्या स्वरूपाशी भांडण न करता ते समजून घेणे चांगले आहे. अशा परिस्थितीत काय करावे याच्या काही टिप्स नतालीने दिल्या आहेत.

हे ही वाचा>> Kitchen Tips: फ्लॉवरमध्ये किडे अडकलेत? 'या' तीन ट्रिक्समुळे सर्व किड्यांचा होईल नायनाट

असा बनवा डाएट चार्ट 

नतालीच्या म्हणण्यानुसार, हिवाळ्यात इच्छेनुसार निरोगी, पौष्टिक, कॅलरी-संतुलित जेवण तयार करण्याचे मार्ग प्रथम वापरून पहा. याशिवाय, संपूर्ण धान्य जसे की ब्राऊन राइस, क्विनोआ, अंडी, चीज, दही, मसूर, चीज, बार्ली, ओट्स इत्यादी आपल्या आहाराचा एक भाग बनवा. ज्यामुळे वजन नियंत्रित ठेवण्यास मदत होईल. आपल्या आहारात बीन्स, कडधान्ये, हिरव्या भाज्या, फळे, बटरनट किंवा रूट भाज्या जसे की गाजर किंवा बीटरूट खा. जेव्हा हवामान गरम होते तेव्हा आपल्याला नैसर्गिकरित्या हलके अन्न खावेसे वाटते. पण हा ऋतू आपल्या आहारात अधिक कच्च्या भाज्या आणि ताजी फळे समाविष्ट करण्याची योग्य वेळ आहे.

या पदार्थांचे सेवन करणे उपयुक्त ठरेल

सकस आहार घ्या: तेलकट, मसालेदार पदार्थ आणि मिठाई टाळा. त्यांचे संयमाने सेवन करा. त्याऐवजी, संपूर्ण धान्य आणि भाज्यांसारखे पदार्थ खा. पालेभाज्या आणि हंगामी फळे खाऊन फायबरचे प्रमाण वाढवा.

हायड्रेटेड राहा: भरपूर पाणी प्या कारण हायड्रेशनमुळे तुमचे शरीर चांगले काम करेल आणि तुमचे वजनही नियंत्रणात राहील.

नियमितपणे व्यायाम करा: थंड हवामानात व्यायाम केल्याने अधिक कॅलरी बर्न होऊ शकतात कारण तुमचे शरीर उबदार असणे आवश्यक आहे. जर तुम्हाला बाहेर जाता येत नसेल तर तुम्ही योगासने, प्राणायाम, सूर्यनमस्कार आणि ब्रिस्क वॉक यासारख्या गोष्टी घरीच करू शकता.

नियंत्रित करा: तुमच्या अन्नातील भाग नियंत्रित करा, यामुळे तुम्हाला कमी खाण्यास मदत होईल आणि तुमचे शरीर निरोगी राहील.