Ladki Bahin Yojana: महिलांनो, आता थेट 'या' दिवशी खात्यात येणार पैसे?

मुख्यमंत्री लाडकी बहीण योजनेत चौथ्या आणि पाचव्या टप्प्यात 10 ऑक्टोबरपर्यंत महिलांच्या खात्यात पैसे जमा झाले आहेत. त्यानुसार अनेक महिलांच्या खात्यात 3000 रूपये आणि 7500 रूपये जमा झाले होते. यामध्ये ज्या महिलांना सप्टेंबरचा हप्ता आधीच मिळाला होता त्यांच्या खात्यात ऑक्टोंबर आणि नोव्हेंबरचे असे एकत्रित मिळून 3000 रूपये जमा झाले आहेत. तर ज्या महिलांच्या खात्यात तीन हप्त्यापर्यंत एकही रूपया जमा झाला नव्हता. त्या महिलांच्या खात्यात चौथ्या हप्त्यात एकत्रितपणे 7500 रूपये जमा झाले होते. 

हे ही वाचा : ladki Bahin Yojana: ...तरच तुम्हाला मिळणार लाडकी बहीण योजनेचे पैसे! महिलांनो एकदा अटी तर वाचा

दरम्यान हे पैसे जमा झाल्यानंतर आता काही महिलांना पुढील हप्ता नेमका कधी मिळणार याकडे डोळे लागून राहिले आहेत. पण आता महिलांना विधानसभा निवडणुका होईपर्यंत वाट पाहावी लागेल. विधानसभा निवडणूक ही 20 नोव्हेंबरला होणार असून निकाल हा 23 नोव्हेंबरला जाहीर होणार आहे. याचा अर्थ महिलांना थेट डिसेंबर महिन्यात लाडकी बहीण योजनेचे पैसे मिळणार आहेत.

कोणत्या अटी आवश्यक? 

1) महिलेचं नाव लाडकी बहीण योजनेच्या लाभार्थी सूचीत असलं पाहिजे.
2) त्यांचा आधार कार्ड आणि बँक खाते लिंक असलेलं पाहिजे.
3) ही योजना सर्व नियम आणि अटींचं पालन करत आहे.

ज्या महिला या अटीत बसतात त्याच महिलांच्या खात्यात पुढील हप्त्याचे पैसे जमा होणार आहे. पण हे पैसे महिलांच्या खात्यात कधी जमा होणार आहे? याबाबतची कोणतीच अपडेट अद्याप तरी समोर आली नाही आहे. त्यामुळे आता महिलांना यासाठी आणखी वाट पाहावी लागणार आहे.