CM Eknath Shinde: "गुंडा असावा असा, ज्याच्या हातात असावा बाळासाहेबांचा...", शिंदेंनी उद्धव ठाकरेंना सुनावलं

"मुंबई लुटली, कोविडमध्ये पैसे खाल्ले. लोकांच्या तोंडची खिचडी चोरली. कोविड सेंटरची खोटी बिलं काढून पैसे घेतले. कोविडमध्ये माणसं मरत होती. तुम्ही इकडे पैसे मोजत होता. मग गुंड बरा की दरोडेखोर बरा. चंबलच्या खोऱ्यातले डाकू परवडले पण हे मुंबईच्या खोऱ्यातले दरोडेखोर नाय परवडले. मुंबई लुटली, महाराष्ट्र लुटला..लोकांना काय मिळालं. आमच्या सुहासची उगाच कळ काढू नका. कुणाच्या मनगटात किती बळ आहे, हे 23 तारखेला समजेल", असंही शिंदे म्हणाले.

हे ही वाचा >> Sharad Pawar Madha : "सगळ्यांचा नाद करायचा, पण...", शरद पवारांचं उघड उघड चॅलेंज!

शिंदे आपल्या भाषणात पुढे म्हणाले,"आमच्या सुहासच्या भात्यात जनतेच्या ताकदीचा आहे धनुष्यबाण. म्हणून 23 तारखेला सुहास कांदे यांच्यावर गुलाल उधाळणार. सुहास कांदेंनी 15 वर्ष या नांदगावच्या जनतेची सेवा केली आहे. नांदगाव मतदारसंघाचा विकास शिवसेनेशिवाय होऊ शकत नाही. शिवसेना हेच पर्याय आहे. महायुतीचा उमेदवार म्हणून आपल्याला सुहासला निवडून द्यायचा आहे. काळ्याला काळं आणि पांढऱ्याला पांढरं म्हणणारा सुहास रांगडा गडी आहे. सुहासने लाडक्या बहिणींचे 92 हजार फॉर्म भरले. या सभेला लाडक्या बहिणी, लाडके भाऊ आणि लाडके शेतकरी आहेत". 

हे ही वाचा >> Supriya Sule: "बहिणीच्या नात्याची किंमत 1500, पण..."; सुप्रिया सुळे नेमकं काय म्हणाल्या?

म्हणून तुमचा लाडका भाऊ तुमच्याशी संवाद साधायला आला आहे. तुमचं सर्वांचं दर्शन घ्यायला आला आहे. तुमच्याशी बोलायला आला आहे. आपण लाडकी बहीण योजना केली. लोकांच्या पोटात दुखायला लागलं. ही लाडकी बहीण फक्त कागदावर राहील, असं म्हणाले. पण आम्ही महायुती सरकारनं ठरवलं आणि ही लाडकी बहीण योजना सुरु केली, असं मोठं विधान एकनाथ शिंदेंनी केलं.