Devendra Fadnavis: "माझ्या लाडक्या बहिणींना 1500 रुपये नाही, तर...", देवेंद्र फडणवीसांनी केली मोठी घोषणा

फडणवीस पुढे म्हणाले, सुमित वानखेडे यांना ही जनता निवडून देणार आहे. या आर्वी विधानसभा मतदारसंघातील माझ्या किमान 25 हजार लाडक्या बहिणी या लखपती दीदी झाल्या पाहिजेत. त्याकरिता जी मदत तुम्हाला लागेल, ती मदत हा देवाभाऊ तुम्हाला करेल. पण माझ्या लाडक्या बहिणींना 1500 रुपये नाही, तर लखपती दीदी करायचं आहे. त्यासाठी मोदींजी योजना आपण घेऊन आलो आहोत.

हे ही वाचा >> Eknath Shinde: लाडकी बहीण योजनेबाबत CM एकनाथ शिंदेंचं मोठं विधान, म्हणाले, "एक घरात दोन बहिणी..."

फडणवीस विरोधकांवर टीका करत म्हणाले, "काँग्रेसचे नेते लबाड आहेत. निवडणूक आल्यावर हे वाटेल ती आश्वासनं देतात. निवडणूक संपली की यांची आश्वासनं संपून जातात. या जिल्ह्यात सिंचनाचे इतके प्रकल्प आम्ही सुरु केले की, शेतकऱ्यांच्या बांधापर्यंत पाणी पोहचवत आहोत. शेतकऱ्यांची शेती बारमाही होत आहे. जे कुणालाच शक्य नाही. ते करणारे आम्ही आहोत. ज्यावेळी मी समृद्धी महामार्ग घोषित केला होता.

हे ही वाचा >> Supriya Sule: टेक्सटाइल पार्कमध्ये आईला अडवलं, सुप्रिया सुळेंच्या जिव्हारी लागलं.. अजितदादांना भडाभडा सुनावलं!

"55 हजार कोटी रुपयांचा रस्त कधी होऊ शकतो का? असं लोक म्हणायचे. आम्ही महामार्ग करून दाखवला. आता याच वर्धा जिल्ह्यात आपण या ठिकाणी लॉजिस्टीक हब तयार करतोय. कारंजात वस्त्रोद्योगाच्या माध्यमातून साडे सातशे कोटी रुपयांची गुंतवणूक येत आहे. पंधरा हजार तरुणांच्या हाताला काम मिळणार आहे. इथे सौर उर्जा निर्मिती होत असल्याने पंधराशे मुलांच्या हाताला काम मिळणार आहे. जे कोणी करु शकत नाही, ते आम्ही या ठिकाणी करतो. म्हणूनच जनतेचा विश्वास आमच्या पाठिशी आहे, असंही फडणवीस म्हणाले.