Santosh Bangar : शिंदेंचे आमदार संतोष बांगर समर्थकांचा भाजप जिल्हाध्यक्षाच्या घरावर हल्ला; तलवार, बंदूक...

पप्पू चव्हाण यांच्या घराबाहेर उभ्या असलेल्या अनेक वाहनांची तोडफोड करण्यात आली आणि गोळीबारही करण्यात आल्याचं सांगण्यात येतं आहे. या घटनेत पप्पू चव्हाणच्या भावावर तलवारीने सपासप वार केल्यानं ते गंभीर जखमी झाले आहेत. त्यांच्यावर हिंगोली येथील शासकीय रुग्णालयात उपचार सुरू आहेत.
 

हे ही वाचा >> BJP MLA Winners List 2024: भाजपच्या विजयी उमेदवारांची संपूर्ण यादी

दरम्यान, या घटनेत संतोष बांगर यांच्या पुतण्यासह काही जण गंभीर जखमी झाले आहेत. यातील काही लोकांवर नांदेडच्या रुग्णालयात तर काहींवर हैदराबादमध्ये उपचार सुरू आहेत. सध्या या घटनेनंतर पप्पू चव्हाणच्या तक्रारीवरून हिंगोली शहर पोलीस ठाण्यात आमदार संतोष बांगर यांच्या नातेवाईकांसह 70 कार्यकर्त्यांवर विविध कलमान्वये गुन्हा दाखल करण्यात आला आहे. हे सर्व प्रकरण परस्पर वैमनस्यातून घडल्याचं सांगण्यात येतं आहे.

तक्रारीमध्ये काय म्हटलंय? 

आरोपींनी काही लोक जमवून घरावर हल्ला केला. घराबाहेर उभ्या असलेल्या वाहनांची तोडफोड केली. यावेळी एकूण 60-70 मोटर सायकलींवर लोक आले होते. त्यांनी घराच्या काचाही फोडल्या. तसंच भाजप जिल्हाध्यक्षाच्या हातावर, मानेवर, डोक्यावर, पाठीवर गंभीर वार करुन त्यांना जखमी करण्यात आल्याचं सांगण्यात येतंय. सध्या हिंगोली शहरात निवडणूकपूर्व शांतता असून, या संपूर्ण प्रकरणाचा तपास पोलीस करत आहेत.