Sharad Pawar : ...म्हणून मी भुजबळांना मुख्यमंत्री करणं टाळलं, पवारांचं खळबळजनक विधान, अजितदादांवरही निशाणा

हे ही वाचा >>Bunty Shelke : काँग्रेस उमेदवार पळत पळत थेट भाजप कार्यालयात, नागपूरमध्ये काय घडलं? व्हिडीओ का व्हायरल होतोय?

राष्ट्रवादीने 2004 साली मुख्यमंत्रीपद घेतलं नाही, अशी खदखद अजित पवार यांनी अनेकदा बोलून दाखवली. त्याबद्दल बोलताना शरद पवार म्हणाले की, 2004 च्या निवडणुकीत राष्ट्रवादीला सर्वाधिक जागा होत्या. मुख्यमंत्रीपदासाठी वरीष्ठ म्हणून  माझ्यापुढे छगन भुजबळ यांचं नाव होतं. मात्र त्यानंतरचं भुजबळांचं राजकारण पाहा, त्यांना तुरुंगातही जावं लागलं होतं. त्यावेळी छगन भुजबळ यांना महाराष्ट्राचा मुख्यमंत्री केलं असतं, तर राज्याची अवस्था चिंताजनक झाली असती असं शरद पवार म्हणालेत. तसंच अजित पवार यांचा तेव्हा मुद्दाच नव्हता असंही शरद पवार यांनी सांगितलं.

हे ही वाचा >>Ajit Pawar: 'मी यावेळेस मुख्यमंत्रीपदाच्या भानगडीतच...', अजितदादांनी उडवून दिली खळबळ

Sharad Pawar त्यावेळच्या राजकीय घडामोडींबद्दल बोलताना म्हणाले की, Ajit Pawar  यांचा तेव्हा मुद्दाच नव्हता, आम्ही त्यावेळी अधिक मंत्रीपदं घेतली होती. माझे अनेक तरुण सहकारी मंत्री झाले होते. आर. आर. पाटील, जयंत पाटील, अजित पवार हे तरूण पुन्हा कॅबिनेट मंत्री झाले होते. नव्या नेतृत्वाला बळ देण्यासाठी ते गरजेचं होतं असं शरद पवार म्हणाले. तसंच विलासराव देशमुख हे काँग्रेसी विचारांचे होते, त्यामुळे ते काँग्रेसचे असले, तरी ते मुख्यमंत्री झाले हे योग्यच झालं असं शरद पवार म्हणालेत.



शरद पवार यांनी पुढे बोलताना राजदीप सरदेसाई यांनी केलेल्या दाव्याबद्दलही भाष्य केलं. पवार म्हणाले की, राजदीप सरदेसाई हे मला काही दिवसांपूर्वीच भेटले होते. त्यांनी केलेल्या वक्तव्याबद्दल बोलताना ते म्हणाले की, छगन भुजबळ नाकारत असले, ते काय बोललेत हे मला राजदीप सरदेसाई यांनी सांगितलं. एकदा तुरूंगात गेले गेले होते, त्यामुळे पुन्हा तुरुंगात जायचं नसल्यानं भुजबळ भाजपसोबत गेले. तसंच नोटीस आल्यानंतर अजित पवारही अस्वस्थ होते आणि त्यामुळेच ते तिकडे गेले असं पवार म्हणाले.